பிசாசு 2 படபிடிப்பு தொடக்கம்! மிஷ்கினின் அடுத்த சஸ்பென்ஸ்!!

இயக்குநர் மிஷ்கினின் இயக்கத்தில் வெளிவந்த பிசாசு படம் மாபெரும் வெற்றிபெற்றது. பின்னர், வெளியான சைக்கோ படமும் மக்கள் மத்தியில் நல்ல வரவேற்ப்பை பெற்றது. இதனையடுத்து துப்பறிவாளன் 2 திரைப்படத்தில் மிஷ்கின் பிஸியாக இருந்தார். ஆனால் விஷாலுடன் ஏற்பட்ட கருத்து மோதலால் துப்பறிவாளன் 2 பட வேலையில் இருந்து விலகினார். பின்னர், பிசாசு 2 படம் எடுக்கப்போவதாக மிஷ்கின் அறிவித்தார்.

இந்நிலையில், தற்போது பிசாசு 2 படத்தின் படப்பிடிப்பு நேற்று பூஜையுடன் தொடங்கியது. இதற்காக திண்டுக்கல்லில் பிரம்மாண்டமான அரங்கம் அமைக்கப்பட்டுள்ளது. இந்தப் படத்தில் பூர்ணா, ஆண்ட்ரியா முக்கிய வேடத்தில் நடிக்கவிருக்கின்றனர். கார்த்திக் ராஜா இசையமைக்கிறார்.

இந்தப் படத்திலாவது நிறைய பாடல்கள் இருக்குமா என்று ரசிகர்கள் எதிர்பார்க்கின்றனர். பிசாசு 2 படத்தின் கதை எப்படி இருக்கும், முந்தைய திரைப்படத்தின் தொடர்ச்சியாக இருக்குமா என்றெல்லாம் இப்பவே ரசிகர்கள் கற்பனை செய்யத் தொடங்கிவிட்டனர்.