சினிமா செய்திகள்
ரோலக்ஸ் கேரக்டருக்கு ரோலக்ஸ் கைக்கடிகாரம்: கமல்ஹாசன் அசத்தல்
உலகநாயகன் கமல்ஹாசன் நடிப்பில் இயக்குனர் லோகேஷ் கனகராஜ் இயக்கத்தில் அனிருத் இசையில் உருவான விக்ரம் திரைப்படம் மிகப் பெரிய வெற்றி பெற்றது என்பது அனைவரும் அறிந்ததே.
இந்நிலையில் இந்த படத்தின் வெற்றியை அடுத்து இந்த படத்தில் பணிபுரிந்த பிரமுகர்களுக்கு கமல்ஹாசன் சிறப்பு பரிசுகளை வழங்கி வருகிறார். முதல் கட்டமாக இயக்குனருக்கு லெக்சஸ் கார் பரிசளித்த கமல்ஹாசன், 13 உதவி இயக்குனர்களுக்கு டிவிஎஸ் அப்பாச்சி பைக்குகளை பரிசளித்தார்.
இந்த நிலையில் தற்போது வந்த தகவலின்படி இந்த படத்தில் ரோலக்ஸ் கேரக்டரில் நடித்த சூர்யாவுக்கு ரோலக்ஸ் கைக்கடிகாரம் ஒன்றை பரிசாக வழங்கியுள்ளார். கமலஹாசன் தனக்கு ரோலக்ஸ் பரிசு கைகடிகாரம் பரிசு அளித்ததற்கு நன்றி தெரிவித்துள்ள சூர்யா இது குறித்த புகைப்படங்களை தனது டுவிட்டர் பக்கத்தில் வெளியிட்டுள்ளார் என்பதும் அந்த புகைப்படங்கள் தற்போது வைரலாகி வருகிறது என்பது குறிப்பிடத்தக்கது.
அதுமட்டுமின்றி விக்ரம் படத்தின் அடுத்த பாகத்தில் சூர்யா தான் முக்கிய கேரக்டரில் நடிக்க உள்ளார் என்பதும் அதற்காக அவருக்கு மிகப் பெரிய சம்பளம் வழங்கப்பட உள்ளதாகவும் தகவல்கள் வெளியாகியுள்ளன.
A moment like this makes life beautiful! Thank you Anna for your #Rolex! @ikamalhaasan pic.twitter.com/uAfAM8bVkM
— Suriya Sivakumar (@Suriya_offl) June 8, 2022
