சினிமா செய்திகள்
’காத்துவாக்குல ரெண்டு காதல்’ ரிலீஸ் மற்றும் டீசர் தேதிகள் அறிவிப்பு!
’காத்துவாக்குல ரெண்டு காதல்’ படத்தின் டீஸர் ரிலீஸ் தேதி மற்றும் திரையரங்குகளில் ரிலீஸ் குறித்த தகவலை தனது டுவிட்டரில் இயக்குனர் விக்னேஷ் சிவன் தெரிவித்துள்ளார்.
விக்னேஷ் சிவன் இயக்கத்தில் விஜய்சேதுபதி நயன்தாரா சமந்தா நடிப்பில் உருவான திரைப்படம் ’காத்துவாக்குல ரெண்டு காதல்’ படத்தின் படப்பிடிப்பு கடந்த சில மாதங்களாக நடைபெற்று வந்தது என்பதும் தற்போது போஸ்ட் புரொடக்ஷன் பணிகள் இறுதி கட்டத்தில் உள்ளது என்பது குறிப்பிடத்தக்கது.
இந்த நிலையில் ’காத்துவாக்குல ரெண்டு காதல்’ திரைப்படத்தின் டீஸர் பிப்ரவரி 11ஆம் தேதி வெளியாகும் என்றும், இந்த படம் ஏப்ரலில் திரையரங்குகளில் வெளியாகும் என்றும் விக்னேஷ் சிவன் சற்று முன் தனது ட்விட்டர் பக்கத்தில் தெரிவித்துள்ளார்.
ஏற்கனவே ஏப்ரல் மாதம் விஜய்யின் பீஸ்ட், யாஷின் கேஜிஎஃப் 2 உள்பட ஒரு சில திரைப்படங்கள் ரிலீஸ் ஆகும் நிலையில் அந்த பட்டியலில் தற்போது ’காத்துவாக்குல ரெண்டு காதல்’ படமும் இணைகிறது என்பது குறிப்பிடத்தக்கது.
விஜய்சேதுபதி, நயன்தாரா, சமந்தா, பிரபு, ரெடின் கிங்ஸ்லி உள்பட பலர் நடித்துள்ள இந்த திரைப்படத்திற்கு அனிருத் இசையமைத்துள்ளார், எஸ்.ஆர். கதிர் ஒளிப்பதிவில் ஸ்ரீகர் பிரசாத் படத்தொகுப்பில் உருவாகியுள்ள இந்த படத்தை ரவுடி பிக்சர்ஸ் மற்றும் செவன் ஸ்கிரீன் ஸ்டூடியோஸ் நிறுவனங்கள் இணைந்து தயாரித்து உள்ளனர் என்பது குறிப்பிடத்தக்கது.
Reporting at 2.22 on 2.2.2022
Teaser from 11.2.2022
April release only only in theatres 🙂 ????????❤️???? #KaathuVaakulaRenduKaadhal #teaser from 11.2.22 @VijaySethuOffl #Nayanthara @Samanthaprabhu2 @anirudhofficial @Rowdy_Pictures @7screenstudio @srkathiir @SonyMusicSouth pic.twitter.com/CMGALsPckk
— WikkiFlix (@VigneshShivN) February 2, 2022