ஆரோக்கியம்
நாவல் பழ சட்னி செய்வது எப்படி? அருமையான சுவையுடன் ஒரு புதிய ருசி!
Published
10 மாதங்கள் agoon
By
Poovizhi
நாவல் பழ சட்னி செய்முறை – இட்லி தோசைக்கு செம காம்போ!
சட்னி என்றாலே எண்ணற்ற வகைகளை நாம் வீட்டில் செய்து பார்த்திருப்போம். ஆனால் பழத்தை கொண்டு சட்னி செய்து பார்த்திருக்கிறீர்களா? குறிப்பாக சீசனில் கிடைக்கும் நாவல் பழத்துடன் சட்னி செய்தால் அந்த சுவையை மறக்க முடியாது. குழந்தைகள் முதல் பெரியவர்கள் வரை விரும்பி சாப்பிடும் இந்த சட்னி, இட்லி, தோசை, அடை போன்றவை அனைத்துடனும் சிறந்த சேர்த்தல்.
இந்த சுவையான நாவல் பழ சட்னியை எப்படி செய்வது என்பதை இப்போது தெரிந்து கொள்ளுங்கள்:
தேவையான பொருட்கள்:
நாவல் பழம் – 20-25
துருவிய தேங்காய் – 1 டேபிள் ஸ்பூன்
பச்சை மிளகாய் – 3
பொடித்த வெல்லம் – 1 டேபிள் ஸ்பூன்
புளி – பாதி எலுமிச்சை அளவு
மிளகு – 6-7
சீரகத் தூள் – 1/4 டீஸ்பூன்
உப்பு – தேவையான அளவு
தண்ணீர் – தேவையான அளவு
செய்முறை:
முதலில் நாவல் பழத்தை நன்கு கழுவி அதன் சதைப்பகுதியை எடுத்து வைத்துக் கொள்ளவும்.
ஒரு மிக்ஸி ஜாரில் தேங்காய், பச்சை மிளகாய், பொடித்த வெல்லம், புளி (நார் நீக்கி), மிளகு, சீரகத் தூள், உப்பு மற்றும் சிறிது தண்ணீர் சேர்த்து நன்றாக அரைத்துக் கொள்ளவும்.
பிறகு இதில் நாவல் பழம் சேர்த்து கொரகொரவென்று அரைக்கவும்.
தேவையான உப்பை சுவைத்துப் பார்த்து சேர்த்துக் கொள்ளவும்.
சுவையான நாவல் பழ சட்னி தயார்!
இந்த சட்னி குழந்தைகளும் விரும்பி சாப்பிடுவார்கள். இப்போது சீசன் இருக்கும் வரை கண்டிப்பாக செய்து பார்த்து ருசித்து பாருங்கள்!
J. Poovizhi is the Senior Sub Editor at BhoomiToday.com, with a B.A. in English from Thiruvalluvar University. She brings extensive expertise in Employment News, Astrology, and Devotional Content, delivering insightful and well-researched articles to readers. With a keen eye for detail and a passion for diverse subjects, Poovizhi ensures content quality that resonates with a wide audience.
