ஏலியன் ஜானர் படத்தில் விவசாயிக்கு என்ன வேலை?

எம். ராஜேஷ் இயக்கத்தில் சிவகார்த்திகேயன் – நயன்தாரா நடித்திருக்கும் படத்திற்கு மிஸ்டர் லோக்கல் என்ற பெயர் வைக்கப்பட்டுள்ளது. மேலும், கோட் சூட் போட்டுக் கொண்டு கையில் டீ கிளாசுடன் சிவகார்த்திகேயன் உட்கார்ந்திருக்கும் ஃபர்ஸ்ட் லுக் போஸ்டரும் வெளியானது.

இந்நிலையில், இன்று நேற்று நாளை படத்தின் இயக்குநர் ரவிக்குமார் இயக்கத்தில், சிவகார்த்திகேயன் நடிக்கும் ஏலியன் வகை கதையைக் கொண்ட சைஃபை படமும் 60 சதவீத படப்பிடிப்பை முடித்துள்ளதாம்.

அப்படத்தின் இயக்குநர் ரவிக்குமார், நேற்று அளித்த பேட்டி ஒன்றில், இந்த பிரம்மாண்ட படத்தில் சிவகார்த்திகேயன் விவசாயியாக நடிக்கிறார் என கதாபாத்திர படைப்பை அடிரடியாக வெளிப்படுத்தியுள்ளார்.

ஏலியன் ஜானர் படத்தில் விவசாயிக்கு என்ன வேலை? என்ற கேள்வி இதனால் கோலிவுட்டில் எழுந்துள்ளது.

இந்த படத்தில் சிவகார்த்திகேயனுக்கு ஜோடியாக ரகுல் ப்ரீத் சிங் நடித்து வருகிறார். இசைப்புயல் ஏ.ஆர். ரஹ்மான் முதன் முறையாக சிவகார்த்திகேயனுக்கு இசையமைத்துள்ளார்.

அதிக கிராபிக்ஸ் காட்சிகள் படத்தில் இடம்பெறுவதால், ஹாலிவுட் கலைஞர்களும் இந்த படத்தில் உழைத்து வருகின்றனராம்.