வாழைப்பழ கொழுக்கட்டை ரெசிபி: மாலையிலான சிறந்த ஸ்நாக்ஸ் – சுவையாகவும் சத்தாகவும்!

மாலை நேரத்தில் குடும்பத்தினர் வாய்க்கு ருசியான ஸ்நாக்ஸ் ஒன்றை கேட்டால், வழக்கமான வடை, பஜ்ஜி, போண்டா போன்ற எண்ணெயில் பொரித்த உணவுகளை விட, சிறிது சத்தானதும் சுவையானதும் ஒன்றை முயற்சி செய்யலாமே! உங்களிடம் வாழைப்பழமும், அரிசி மாவும் இருந்தால், ருசிகரமான வாழைப்பழ கொழுக்கட்டை செய்து அனைவரையும் கவரலாம்.

இந்த வாழைப்பழ கொழுக்கட்டை சுலபமாக செய்யக்கூடியதோடு, ருசியும் சத்தும் நிறைந்தது. ஒருமுறை இதை செய்து கொடுத்தால், உங்கள் வீட்டில் உள்ளோர் மீண்டும் மீண்டும் செய்து கொடுக்க சொல்லுவார்கள்.

🥣 தேவையான பொருட்கள்:

• நெய் – 1 டீஸ்பூன்

• முந்திரி – 15 (நறுக்கியது)

• தேங்காய் – ½ மூடி (துருவியது)

• ஏலக்காய் தூள் – ½ டீஸ்பூன்

• சர்க்கரை – ½ கப்

• அரிசி மாவு – 1 கப்

• நன்கு கனிந்த நேந்திரம் வாழைப்பழம் – 2

• தண்ணீர் – தேவையான அளவு

• உப்பு – 1 சிட்டிகை

👩‍🍳 செய்முறை:

1. ஒரு வாணலியில் நெய் ஊற்றி சூடானதும் முந்திரியை பொன்னிறமாக வறுக்கவும்.

2. அதில் துருவிய தேங்காயை சேர்த்து 2 நிமிடம் வதக்கி, ஏலக்காய் தூள் மற்றும் சர்க்கரையை சேர்த்து உருகும் வரை கிளறவும். இது பூரணமாக இருக்கும்.

3. மற்றொரு வாணலியில் அரிசி மாவை மணம் வரும் வரை வறுத்து இறக்கவும்.

4. நேந்திரம் வாழைப்பழத்தை கைகளால் நன்கு பிசைந்து, அதில் வறுத்த அரிசி மாவு, உப்பு சேர்த்து, நீரை கொஞ்சம் கொஞ்சமாக தெளித்து சப்பாத்தி மாவு பதத்திற்கு பிசையவும்.

5. பிசைந்த மாவை சிறு உருண்டைகளாக எடுத்து தட்டி, நடுவில் பூரணத்தை வைத்து மூடி உருட்டி விடவும்.

6. இதேபோல் அனைத்து மாவையும் செய்து, இட்லி பாத்திரத்தில் வைத்து 10 நிமிடம் ஆவியில் வேகவைக்கவும்.

7. வெந்ததும் எடுத்து பரிமாறுங்கள் — சுவையான, மணமுள்ள வாழைப்பழ கொழுக்கட்டை தயார்! 🍌