அருண் விஜய்யின் ‘பார்டர்’- தெறிக்கவிடும் ஃபர்ஸ்ட் லுக் போஸ்டர்

தனது இரண்டாவது இன்னிங்ஸில் தமிழ் சினிமாவில் தனக்கென ஒரு இடத்தைப் பிடித்திருப்பவர் அருண் விஜய். அஜித்துடன் அவர் நடித்த ‘என்னை அறிந்தால்’ படத்தின் மூலம் அருண் விஜய்க்கு பிரேக் கிடைத்தது. அதைத் தொடர்ந்து பல ஹிட் படங்களை அருண் விஜய் கொடுத்து விட்டார். கடைசியாக அவர் கார்த்திக் நரேன் இயக்கத்தில் ‘மாஃபியா’ என்னும் படத்தில் நடித்திருந்தார். அந்தப் படத்தில் நடிகர் பிரசன்னாவும் முக்கிய ரோல் செய்திருந்தார். எதிர்பார்த்த அளவுக்கு மாஃபியா ஓடாத நிலையிலும், அருண் விஜய்க்கு நல்ல பெயர் வாங்கித் தந்தது.

 தற்போது பல படங்களில் கமிட்டாகி ஃபுல் பிஸியாக உள்ளார் அருண் விஜய். அவர் நடிப்பில் விரைவில் வெளியாக உள்ள “பார்டர்” படத்தின் ஃபர்ஸ்ட் லுக் போஸ்டர் தற்போது வெளியாகியுள்ளது.

Here’s the First Look of #BORRDER with My Hero Cum Bro @arunvijayno1 & Produced By @All_In_Pictures #VijayaRaghavendra All India Theatre Release By @11_11cinema #PrabhuThilak ???????????????? pic.twitter.com/SZLVvvvUlz

— Arivazhagan (@dirarivazhagan) April 15, 2021

நடிகர் அருண் விஜய் நடிப்பில் இயக்குனர் அறிவழகன் இயக்கி வரும் திரைப்படம் “பார்டர்”. இந்த படத்திற்கு சாம் சி.எஸ் இசையமைத்துள்ளார். குற்றம் 23 படத்தை தொடர்ந்து அருண் விஜய் – அறிவழகன் கூட்டணியில் இரண்டாவதாக உருவாகும் படம் இந்த “பார்டர்”. 

இதில் அருண் விஜய் ராணுவ வீரராக நடித்திருப்பதாக தகவல்கள் வெளியாகியுள்ளது. இந்த படத்தின் ஃபர்ஸ்ட் லுக் போஸ்டர் தற்போது வெளியாகியுள்ள நிலையில் திரைப்படத்தை மே மாதத்தில் வெளியிட படக்குழுவினர் திட்டமிட்டுள்ளதாக தகவல்கள் தெரிவிக்கின்றன. இந்தப் படத்தில் ராணுவ உளவுத்துறை அதிகாரியாக அருண் விஜய் நடிக்கிறார்.