18 வருடங்களுக்குப் பிறகு என் அப்பா என் அருகில்: சிவகார்த்திகேயன் நெகிழ்ச்சியான பதிவு!

18 வருடங்களுக்கு பின் என் அப்பா என் விரல் பிடித்து இருக்கிறார் என நடிகர் சிவகார்த்திகேயன் நெகிழ்ச்சியான டுவிட் ஒன்றை பதிவு செய்துள்ளார்

சிவகார்த்திகேயன் தந்தை ஒரு காவல்துறை அதிகாரி என்பதும் 18 முன் அவர் உயிரிழந்தார் என்பதையும் ஏற்கனவே அவர் பல பேட்டிகளில் கூறியிருந்தார். இந்த நிலையில் சிவகார்த்திகேயன் மனைவி கடந்த சில மாதங்களுக்கு முன் கர்ப்பமான நிலையில் இன்று அவருக்கு ஆண் குழந்தை பிறந்துள்ளது

இதனை அடுத்து சிவகார்த்திகேயன் தனது டுவிட்டரில் நெகிழ்ச்சியான டுவிட் ஒன்றை பதிவு செய்துள்ளார். அதில் அவர் கூறியிருப்பதாவது: 18 வருடங்களுக்குப் பிறகு இன்று என் அப்பா என் விரல் பிடித்திருக்கிறார் என் மகனாக… என் பல வருட வலி போக்க தன் உயிர்வலி தாங்கிய என் மனைவி ஆர்த்திக்கு கண்ணீர்த்துளிகளால் நன்றி அம்மாவும் குழந்தையும் நலம்’ என்று பதிவு செய்துள்ளார்.

இதனை அடுத்து சிவகார்த்திகேயன் ரசிகர்கள் அவருக்கு தங்களுடைய வாழ்த்துக்களை தெரிவித்து வருகின்றனர். சிவகார்த்திகேயன் தன்னுடைய அப்பாவே தனக்கு மகனாக பிறந்து வந்திருப்பதை நெகிழ்ச்சியுடன் கூறியதை அடுத்து அந்த டுவிட் தற்போது வைரலாகி வருகிறது

சிவகார்த்திகேயன் – ஆர்த்தி தம்பதிக்கு ஏற்கனவே ஒரு பெண் குழந்தை உள்ளது என்பதும், அந்த குழந்தை சிவகார்த்திகேயனின் ‘கனா’ படத்தில் ஒரு பாடலை பாடியுள்ளது என்பதும் குறிப்பிடத்தக்கது.

18 வருடங்களுக்குப் பிறகு இன்று என் அப்பா என் விரல் பிடித்திருக்கிறார் என் மகனாக…என் பல வருட வலி போக்க தன் உயிர்வலி தாங்கிய என் மனைவி ஆர்த்திக்கு கண்ணீர்த்துளிகளால் நன்றி???? அம்மாவும் குழந்தையும் நலம்????????❤️???? pic.twitter.com/oETC9bh6dQ

— Sivakarthikeyan (@Siva_Kartikeyan) July 12, 2021