ஆரோக்கியம்
ஸ்ரீரங்கம் ஸ்பெஷல் வத்தக் குழம்பு ரெசிபி – வீட்டிலேயே ருசியாக செய்வது எப்படி?
ஸ்ரீரங்கம் ஸ்பெஷல் வத்தக் குழம்பு – வீட்டிலேயே செய்வது எப்படி?
பெரும்பாலான வீடுகளில் தினசரி உணவில் சாம்பார் அல்லது புளிக்குழம்புதான் முக்கியமாக இருக்கும். அதனால் தான் ஹோட்டல்களில் காரக் குழம்பு அல்லது வத்தக் குழம்பு வந்தால் அதை சுவைக்க ஆர்வமாக இருப்பார்கள். வத்தக் குழம்பு செய்வது சற்று சிக்கலானது என்று எண்ணி, பலர் வீட்டில் செய்து பார்ப்பதில்லை.
வத்தக் குழம்பு பல வகைகள் உள்ளன. அதில் ஸ்ரீரங்கம் வத்தக் குழம்பு தனித்துவமான சுவை கொண்டது. ஆனால், அதைப் பருக அங்கு செல்ல வேண்டிய அவசியமில்லை. வீட்டிலேயே அந்த சுவையை கைகூறச் செய்யலாம்.
தேவையான பொருட்கள்:
சுண்டக்காய் – 1 கப்
வெந்தயம் – 2 டீஸ்பூன்
உளுந்தம் பருப்பு – 2 டேபிள் ஸ்பூன்
துவரம் பருப்பு – 2 டேபிள் ஸ்பூன்
மல்லி விதை – 2 டேபிள் ஸ்பூன்
மிளகு – 1 டேபிள் ஸ்பூன்
பெருங்காயத் தூள் – 1 சிட்டிகை
வரமிளகாய் – 4
புளி – எலுமிச்சை அளவு
மஞ்சள் தூள் – 1 டீஸ்பூன்
சின்ன வெங்காயம் – 20
வெல்லம் – 1 டேபிள் ஸ்பூன்
அரிசி – 1 டேபிள் ஸ்பூன்
கறிவேப்பிலை – 1 கொத்து
உப்பு – தேவையான அளவு
நல்லெண்ணெய் – தேவையான அளவு
தாளிக்க:
கடுகு – 1 டீஸ்பூன்
உளுத்தம் பருப்பு – 1 டீஸ்பூன்
கடலைப் பருப்பு – 1 டேபிள் ஸ்பூன்
செய்முறை:
புளியை தண்ணீரில் ஊற வைத்து கரைத்து வைக்கவும்.
சின்ன வெங்காயத்தை தோல் உரித்து பொடியாக நறுக்கவும்.
கடாயில் வெந்தயத்தை வறுத்து, பொடியாக அரைத்து வைக்கவும்.
அதே கடாயில் வரமிளகாய், மிளகு, அரிசி, மல்லி விதை, துவரம் பருப்பு, உளுந்தம் பருப்பு ஆகியவற்றை வறுத்து குளிரவைத்து பொடி செய்யவும்.
மற்றொரு கடாயில் நல்லெண்ணெய் ஊற்றி காய்ந்ததும் தாளிக்கும் பொருட்களை போட்டு தாளித்து, வெங்காயத்தை சேர்த்து பொன்னிறமாக வதக்கவும்.
சுண்டக்காயை சேர்த்து வதக்கி, வெந்தயப் பொடி சேர்த்து கிளறவும்.
புளிக்கரைசலை சேர்த்து கொதிக்க விடவும்.
அரைத்த பொடி, மஞ்சள் தூள், பெருங்காயத் தூள், வெல்லம், கறிவேப்பிலை, உப்பு சேர்த்து நன்கு கொதிக்க விடவும்.
கெட்டியான பதத்திற்கு வந்ததும் மேலே நல்லெண்ணெய் ஊற்றி இறக்கவும்.
இப்போது வீட்டிலேயே ருசிகரமான ஸ்ரீரங்கம் வத்தக் குழம்பு ரெடி!
