மூங்கில் அரிசி வெஜிடேபிள் கஞ்சி – உடல் எடைக் குறைக்கும், ஆரோக்கியம் தரும் சூப்பர் ரெசிபி!

உடல் ஆரோக்கியத்தையும், சுவையையும் ஒரே நேரத்தில் தரும் கஞ்சி வேண்டுமா?
மூங்கில் அரிசியால் செய்யப்படும் வெஜிடேபிள் கஞ்சி தான் உங்களுக்கு சரியான தேர்வு. டயட்டரி நார்ச்சத்து அதிகம் உள்ள இந்த அரிசி, குறைந்த கிளைசீமிக் இன்டெக்ஸ் கொண்டதால், நீரிழிவு நோயாளிகளுக்கும், உடல் எடையை குறைக்க விரும்புவோருக்கும் சிறந்தது.

மூங்கில் அரிசி கஞ்சியின் ஆரோக்கிய நன்மைகள்

• உடல் எடை குறைப்பு

• செரிமானம் மேம்பாடு

• இரத்த சர்க்கரை கட்டுப்பாடு

• மூட்டு, முழங்கால் வலி குறைப்பு

• உடல் நச்சுகள் வெளியேற்றம்

இந்த கஞ்சி, காய்கறிகளின் சத்தும், மூங்கில் அரிசியின் ஆரோக்கியமும் சேர்ந்து ஒரு முழுமையான உணவாக மாறுகிறது.

தேவையான பொருட்கள்

• மூங்கில் அரிசி – 1 கப்

• தண்ணீர் – 5 கப் + 2 கப்

• உப்பு – தேவையான அளவு

• எண்ணெய் – 1 டீஸ்பூன்

• சீரகம் – ½ டீஸ்பூன்

• வெங்காயம் – 1 (நறுக்கியது)

• கறிவேப்பிலை – 1 கொத்து

• பூண்டு – 3 பல் (நறுக்கியது)

• இஞ்சி – ½ அங்குலம் (நறுக்கியது)

• பச்சை மிளகாய் – 1 (நறுக்கியது)

• கேரட் – 1 (நறுக்கியது)

• பீன்ஸ் – 5 (நறுக்கியது)

• துருவிய தேங்காய் – ½ கப்

• கொத்தமல்லி – சிறிதளவு (நறுக்கியது)

செய்முறை

1. மூங்கில் அரிசியை நன்றாக கழுவி 2 மணி நேரம் ஊற வைக்கவும்.

2. ஊறிய அரிசியை கொரகொரவென்று அரைத்து, 5 கப் தண்ணீர், உப்புடன் குக்கரில் 5 விசில் வைத்து வேகவைக்கவும்.

3. வாணலியில் எண்ணெய் சூடாக்கி, சீரகம், வெங்காயம், கறிவேப்பிலை, பூண்டு, இஞ்சி, பச்சை மிளகாய் வதக்கவும்.

4. கேரட், பீன்ஸ் சேர்த்து உப்புடன் நன்கு வதக்கி, 2 கப் தண்ணீர் ஊற்றி 5 நிமிடம் வேகவைக்கவும்.

5. அதில் வேகவைத்த மூங்கில் அரிசி கஞ்சியை சேர்த்து கொதிக்க விடவும்.

6. துருவிய தேங்காய், கொத்தமல்லி தூவி கிளறி இறக்கவும்.

சுவையான, ஆரோக்கியமான மூங்கில் அரிசி வெஜிடேபிள் கஞ்சி ரெடி!