காஷ்மீர் ஸ்டைல் மட்டன் கறி ரெசிபி – சண்டே ஸ்பெஷல்!

சண்டே என்றால் அசைவம் சாப்பிடும் ஸ்பெஷல் நாள் தான். வழக்கமான மட்டன் குழம்பை விட்டு விட்டு, இந்த முறை காஷ்மீர் ஸ்டைல் மட்டன் கறியை செய்து பாருங்க. இதன் சுவை உங்கள் வீட்டிலேயே ரெஸ்டாரண்ட் லெவல் அனுபவத்தை தரும். காஷ்மீர் மசாலா மற்றும் சோம்பின் நறுமணம் கலந்த இந்த குழம்பு, இட்லி, தோசை, சப்பாத்தி, சாதம் எல்லாவற்றுக்கும் சூப்பராக பொருந்தும்.

தேவையான பொருட்கள்:

• மட்டன் – ½ கிலோ (சிறிய துண்டுகளாக வெட்டவும்)

• புளிக்காத தயிர் – 1 கப்

• நறுக்கிய வெங்காயம் – 2

• இஞ்சி பூண்டு விழுது – 2 ஸ்பூன்

• மிளகாய் தூள் – 1 ஸ்பூன்

• காஷ்மீர் மிளகாய் தூள் – 1 ஸ்பூன்

• மஞ்சள் தூள் – ¼ டீஸ்பூன்

• சீரகத் தூள் – 1 டீஸ்பூன்

• சோம்பு தூள் – 1½ டீஸ்பூன் (முக்கியம்)

• சோம்பு – ½ டீஸ்பூன்

• பட்டை – 1 துண்டு

• கிராம்பு – 2

• ஏலக்காய் – 2

• தேங்காய் பால் – ¼ கப்

• உப்பு, எண்ணெய், நெய் – தேவையான அளவு

• கொத்தமல்லி – ஒரு கைப்பிடி

செய்முறை:

1. மட்டனை நன்றாக கழுவி வைக்கவும்.

2. ஒரு கடாயில் எண்ணெய் ஊற்றி பட்டை, ஏலக்காய், கிராம்பு, சோம்பு தாளிக்கவும்.

3. இஞ்சி பூண்டு விழுது சேர்த்து வதக்கி, மட்டன் துண்டுகளை சேர்த்து 5–10 நிமிடம் வதக்கவும்.

4. மஞ்சள் தூள், மிளகாய் தூள், காஷ்மீர் மிளகாய் தூள், சீரக தூள், சோம்பு தூள் சேர்த்து கிளறவும்.

5. பச்சை வாசனை போனதும் தயிரை மெதுவாக சேர்த்து அடிக்கடி கிளறி மிதமான தீயில் சமைக்கவும்.

6. எண்ணெய் பிரிந்ததும் உப்பு, தண்ணீர், தேங்காய் பால் சேர்த்து 20–30 நிமிடம் குறைந்த தீயில் வேகவைக்கவும்.

7. கெட்டியான நிலைக்கு வந்ததும் நெய் சேர்த்து, கொத்தமல்லி தூவி இறக்கவும்.

சுவையான காஷ்மீர் ஸ்டைல் மட்டன் கறி ரெடி!