சினிமா செய்திகள்
4 நாட்களில் 400 கோடி வசூல் செய்த 2.0!
ரஜினியின் 2.0 திரைப்படம் 4 நாட்களில் உலகம் முழுவதும் 400 கோடி ரூபாய் வசூலை ஈட்டியதாக சினிமா பாக்ஸ் ஆபிஸ் கணக்கீட்டாளர்கள் தெரிவித்துள்ளனர்.
லைகா புரடக்ஷன்ஸ் தயாரிப்பில் 450 கோடி ரூபாய் பட்ஜெட்டில் உருவான 2.0 விமர்சன ரீதியாகவும் வெற்றி பெற்றது. ஆனால், தீபாவளி படங்கள் பாக்ஸ் ஆபிஸில் படு தோல்வியை சந்தித்ததால், அதன் தாக்கம் 2.0 படத்தின் ஆரம்ப புக்கிங்கில் பெரிய அடியை கொடுத்து விட்டது.
ஆனாலும், படம் வெளியான பிறகு, ஹாலிவுட் தரத்தில் தமிழில் ஒரு படத்தை ஷங்கர் எடுத்துள்ளார் என்பதை விமர்சகர்கள் பலரும் பாராட்டினர். மேலும், மக்கள் வார இறுதி நாட்களில் குடும்பத்துடன் கூட்டம் கூட்டமாக தியேட்டர்களுக்கு வருகை தந்தனர்.
படத்தின் ஹிந்தி பதிப்பு மட்டும் 4 நாட்களில் 95 கோடி ரூபாய் வசூலை ஈட்டியதாக தரன் ஆதர்ஷ் தெரிவித்தார். தமிழ், தெலுங்கு, மொழிகளிலும் படம் அபார வசூலை ஈட்டியுள்ளது. வெளிநாடுகளில் படம் நன்றாக ஓடுவதால், வியாழன் முதல் ஞாயிறு வரை படத்தின் வசூல் 400 கோடி என கணக்கிடப்பட்டுள்ளது.
திங்களன்றும் பல தியேட்டர்கள் அரங்கு நிறைந்த காட்சிகளாகவே காணப்பட்டன. அதன் ரிப்போர்ட் மற்றும் இந்த வார ரிப்போர்ட் தான் படம் எத்தனை புதிய ரெக்கார்டுகளை படைக்கப் போகின்றது என்பதை காட்டும்.
