சூரி-க்கு அப்பாவாக நடிக்கும் விஜய் சேதுபதி… வெற்றிமாறன் பட அப்டேட்!

நடிகர் சூரி நாயகன் ஆக நடிக்கும் படத்தில் அவருக்கு அப்பா கதாபாத்திரத்தில் நடிக்க நடிகர் விஜய் சேதுபதி ஒப்பந்தம் ஆகியுள்ளார்.

இயக்குநர் வெற்றிமாறன் தற்போது காமெடி நடிகர் சூரியை கதாநாயகன் ஆக வைத்துப் புதிய படம் ஒன்றை இயக்கி வருகிறார். எழுத்தாளர் ஜெயமோகன் எழுதிய துணைவன் என்கிற சிறு கதையை மையமாகக் கொண்டு சூரி படத்தை உருவாக்கி வருகிறார் இயக்குநர் வெற்றிமாறன். இந்தப் படத்தில் சூரி-க்கு ஜோடியாக இசை அமைப்பாளரும் நடிகருமான ஜி.வி.பிரகாஷின் தங்கை பவானி ஶ்ரீ நடிக்கிறார்.

இந்தப் படத்தில் நடிகர் விஜய் சேதுபதி முக்கியக் கதாபாத்திரத்தில் நடிப்பதாக முன்னரே செய்திகள் வெளியாகிக் கொண்டு இருந்தன. தற்போது விஜய் சேதுபதியின் கதாபாத்திரம் கசிந்துள்ளது. வெற்றிமாறன் படத்தில் சூரி-க்கு அப்பா கதாபாத்திரத்தில் விஜய் சேதுபதி நடிப்பதாகத் தகவல்கள் வந்துள்ளன.

முதலில் சூரியின் அப்பா கதாபாத்திரத்தில் இயக்குநர் பாரதிராஜா தான் நடிப்பதாக இருந்ததாம். ஆனால், திடீரென சொந்தக் காரணங்களுக்காக பாரதிராஜா விலக அந்தக் கதாபாத்திரத்தை விஜய் சேதுபதி ஏற்றுக் கொண்டு உள்ளாராம். ஏற்கெனவே ஆரஞ்சு மிட்டாய், சீதக்காதி ஆகிய படங்களில் விஜய் சேதுபதி வயதான தோற்றத்தில் நடித்திருப்பதால் இந்த வெற்றிமாறன் படத்திலும் கலக்குவார் என ரசிகர்கள் உறுதி தெரிவித்து பாராட்டி வருகின்றனர்.