‘நவரசா’ தொடரில் இருந்து விலகிய கே.வி.ஆனந்த்: அவருக்கு பதில் யார் தெரியுமா?

பிரபல இயக்குனர் மணிரத்னம் தயாரிப்பில் நெட்பிளிக்ஸ் ஓடிடி தளத்திற்காக உருவாகிவரும் வெப்திரைப்படம் ‘நவரசா’. இந்த திரைப்படத்தை 9 இயக்குனர் இயக்கி வருகிறார்கள் என்பதும் அவர்கள் ரதீந்திரன், கவுதம் வாசுதேவ் மேனன், கார்த்திக் நரேன், அரவிந்த்சாமி, கார்த்திக் சுப்புராஜ், ஹலிதா ஷமீம், பிஜாய் நம்பியார், கேவி ஆனந்த் மற்றும் பொன்ராம் என்பதும் தெரிந்ததே.

இந்த நிலையில் இந்த வெப்திரைப்படத்தில் இருந்து இயக்குநர் கேவி ஆனந்த் திடீரென விலகிவிட்டதாகவும் அவருக்கு பதில் இயக்குனர் வசந்த் இணைக்கப்பட்டுள்ளதாகவும் தகவல்கள் வெளிவந்துள்ளன. இயக்குனர் வசந்த் இயக்கவுள்ள ரொமான்ஸ் குறும்படத்தில் ’அருவி’ நாயகி அதிதி பாலன் நடிக்க இருப்பதாகவும் அவருக்கு ஜோடியாக பிரபல நடிகர் ஒருவரிடம் பேச்சுவார்த்தை நடத்தப்பட்டு வருவதாகவும் கூறப்படுகிறது.

இந்த தொடரில் இருந்து கே.வி.ஆனந்த் விலகியது ஏன் என்பது குறித்த தகவல் எதுவும் வெளிவரவில்லை என்பதும், அதே நேரத்தில் இந்த கேவி ஆனந்த் இந்த தொடரில் இருந்து விலகியது குறித்த அதிகாரபூர்வ அறிவிப்பு இன்னும் வெளிவரவில்லை என்பதும் குறிப்பிடத்தக்கது.

விரைவில் வெளியாக இருக்கும் இந்த தொடர் மிகப்பெரிய எதிர்பார்ப்பை ஏற்படுத்தியுள்ளது என்பதும், வெப்திரைப்படங்களிலேயே மிக அதிகமாக பொருட்செலவு செய்த தொடர்களில் இதுவும் ஒன்று என்பதும் குறிப்பிடத்தக்கது.