தீபாவளி ரேசில் விஜய், கார்த்தியுடன் மோதும் தமன்னா!

தீபாவளி, பொங்கல் போன்ற விழாக் காலங்கள் என்றாலே ஒன்றுக்கு மேற்பட்ட முக்கிய நடிகர்களின் ரிலீஸ் ஆகி வசூல் மழையைப் பொழியப் பார்க்கும்.

வர இருக்கும் தீபாவளியன்று ஏற்கனவே விஜய் நடிப்பில் உருவாகி வரும் பிகில், கார்த்தி நடிப்பில் தயாராகியுள்ள கைதி உள்ளிட்ட இரண்டு முக்கிய படங்கள் வெளியாக உள்ளன. இந்த இரண்டு படங்களுக்கும் தியேட்டர் ஒதுக்குவதிலேயே சிக்கல் உள்ளதாகவும் கூறப்படுகிறது.

இந்நிலையில் தமன்னா, யோகி பாபு, காலி வெங்கட் நடிப்பில் தயாராகியுள்ள பெட்ரோமேக்ஸ் ஹாரர் – காமெடி திரைப்படமும் தீபாவளிக்கு வெளியாக உள்ளதாகச் செய்தி சுருள் தளத்திற்குக் கிடைத்த தகவல்கள் கூறுகின்றன.

முன்னதாக இந்த திரைப்படம் செப்டம்பர் மாதம் தான் வெளியாக இருந்தது. ஆனால் தற்போது ஏற்பட்டுள்ள காலதாமதத்தால் தீபாவளியன்று பெட்ரோமேக்ஸ் வெளியாக அதிக வாய்ப்புள்ளது.

ஈகள்’ஸ் ஐ ப்ரோடக்‌ஷன் நிறுவனம் தயாரித்துள்ள இந்த படத்தை ரோஹின் வெங்கடேஷ் என்பவர் இயக்கியுள்ளார். கிப்ரான் இசை அமைத்துள்ளார்.