ஆரோக்கியம்
சளி, இருமலை விரட்டும் நண்டு ரசம் – சுவை மற்றும் ஆரோக்கியத்தின் ஒருங்கிணைவு!
சளி, இருமலை விரட்டும் சூப்பர் நண்டு ரசம்!
நண்டில் ஏராளமான ஆரோக்கிய நன்மைகள் உள்ளன. கிராமப்புறங்களில் அதிகமாக கிடைக்கும் வயல் நண்டு மற்றும் ஆற்று நீர் நண்டு, சளி, இருமல், வாத வலி போன்றவற்றை நீக்கும் சக்தி கொண்டவை. நண்டு ரசம் சாப்பிடுவதால் உடல் சூடு சேர்ந்து நோய் எதிர்ப்புசக்தி அதிகரிக்கும்.
இந்த சுவையான மற்றும் மருத்துவ குணமுள்ள நண்டு ரசம் எளிதாக வீட்டிலேயே செய்வது எப்படி என்பதையும், நண்டின் ஆரோக்கிய நன்மைகளைப் பற்றியும் இங்கே பார்ப்போம்.
நண்டு ரசம் தயாரிக்க தேவையான பொருட்கள்:
- நண்டு – 5
- சின்ன வெங்காயம் – 12
- தக்காளி – ½
- மிளகுத்தூள் – ¼ ஸ்பூன்
- மஞ்சள்தூள் – 1 சிட்டிகை
- உப்பு – தேவையான அளவு
- கொத்தமல்லி இலை – சிறிதளவு
- தண்ணீர் – 4 கப்
- எண்ணெய் – தேவையான அளவு
🔸 மசாலா தயாரிக்க தேவையானவை:
- வத்தல் – 5
- பூண்டு – 6
- இஞ்சி துண்டு – சிறிதளவு
- வால் மிளகு – ¼ ஸ்பூன்
- அன்னாச்சி பூ – 1
- திப்பிலி – 4
நண்டு ரசம் செய்வது எப்படி?
1️⃣ நண்டை சுத்தம் செய்யுங்கள்:
- நண்டுகளை தண்ணீரில் நன்றாக கழுவி, உரலில் போட்டு இடிக்கவும்.
- வயல்/ஆற்று நண்டு கிடைத்தால் அதையே பயன்படுத்துங்கள்.
2️⃣ மசாலா தயார் செய்யுங்கள்:
- வத்தல், திப்பிலி, அன்னாச்சி பூ, மிளகு, பூண்டு, இஞ்சி ஆகியவற்றை கொரகொரவென்று அரைக்கவும்.
3️⃣ நண்டு ரசம் தயாரிப்பு:
- ஒரு மண் சட்டி எடுத்து, இடித்த நண்டுடன் நறுக்கிய வெங்காயம், தக்காளி, மஞ்சள்தூள், மிளகாய்தூள், உப்பு, அரைத்த மசாலா ஆகியவற்றை சேர்த்து நன்றாக கலந்து விடவும்.
- தண்ணீர் சேர்த்து மிதமான தீயில் வைத்து கொதிக்க விடவும்.
- சுண்டி வந்ததும் கொத்தமல்லி சேர்த்து இறக்கவும்.
- விரும்பினால் சிறிதளவு துளசி இலையும் சேர்க்கலாம்.
சூடாக பரிமாறுங்கள் – இது உடலுக்கு மிகுந்த சத்தானதும், சளி, இருமலுக்கு சிறந்ததும் ஆகும்!
