சினிமா செய்திகள்
தளபதி 65… அந்த படத்தின் இரண்டாம் பாகமா? குஷியில் ரசிகர்கள்!
தளபதி 65 படத்தின் புதிய அப்டேட், அவரது ரசிகர்களை குஷிப்படுத்தியுள்ளது.
விஜய் நடிப்பில் மாஸ்டர் திரைப்படம் தயாராகி, கொரோனா ஊரடங்கு காரணமாக 6 மாதங்களுக்கும் மேலாக ரிலீஸ் ஆகாமல் உள்ளது.
மாஸ்டர் படத்தைத் தொடர்ந்து தளபதி 65 படத்தை ஏ.ஆர்.முருகதாஸ் இயக்குவார் என்று கூறப்பட்டது. ஆனால் திடீரென அவர் அந்த படத்திலிருந்து விலகினார்.
தொடர்ந்து நெல்சன் ஒரு காமெடி கதையை விஜய்க்கு கூறியுள்ளதாகவும், அதுதான் அவரது அடுத்த படமாக இருக்கும் என்று கூறப்பட்டது. ஆனால் அதற்கு முன்னதாக வேறு ஒரு படத்தில் விஜய் நடிக்க உள்ளதாகவும் தகவல்கள் கூறுகின்றன.
அதுவும் அந்த படம் எஸ்.ஜே.சூர்யா விஜய்யை வைத்து இயக்கிய குஷி படத்தின் இரண்டாம் பாகம் என்றும் தகவல்கள் வெளியாகியுள்ளன. அதை உறுதி செய்யும் விதமாக சில நாட்கள் முன்பாக எஸ்.ஜே.சூர்யா, விஜய் இருவரும் சந்தித்துப் பேசியுள்ளனர்.
எனவே கண்டிப்பாக அது குஷி படத்தின் இரண்டாம் பாகம்தான் என்றும், சன் பிக்சர்ஸ் அந்த படத்தைத் தயாரிக்கும் என்றும் தகவல்கள் கூறுகின்றன.
இந்த படம் முடிந்த பிறகு நெல்சன் இயக்கத்தில் விஜய் நடிக்கும் படத்தை, தேணாண்டால் பிலிம்ஸ் தயாரிக்கும் என்று தகவல்கள் கூறுகின்றன.
