அம்மாவின் சங்கத்துக்கு நிதி திரட்டும் சிம்பு..!- சம்பளம் வாங்காமல் படம் நடிக்கிறார்!

நடிகர் சிம்பு தனது அம்மாவுக்காக ஒரு படத்தை இலவசமாகவே நடித்துக் கொடுக்க உள்ளதாக அறிவித்துள்ளார்.

தயாரிப்பாளர்கள் சங்கத்தில் ஏற்பட்ட குழப்பம் மற்றும் பிரச்னைகளால் அந்த சங்கத்திலிருந்து விலகி தனியாக தமிழ்நாடு தயாரிப்பாளர்கள் சங்கம் ஒன்றை உருவாக்கி அதன் தலைவர் ஆனார். பின்னர் அந்தப் பதவியிலிருந்து விலகி தனது மனைவி உஷா ராஜேந்தரை அந்தப் பதவியில் அமர்த்தினர்.

உஷா ராஜேந்தர் தலைமையில் இருக்கும் அந்த தமிழ்நாடு தயாரிப்பாளர்கள் சங்கத்துக்கு நிதி திரட்ட வேண்டி ஒரு திரைப் படத்தை இலவசமாக நடித்துத் தர உள்ளார் நடிகர் சிம்பு. இந்த சங்கத்தின் துணைத் தலைவர் சிங்காரவேலன் தயாரிக்க ‘வானம்’ படத்தின் வசனகர்த்தா ஞானகிரி இயக்க சிம்பு நடிக்க உள்ள படம் 2021-ம் ஆண்டே வெளியாகும் எனக் கூறப்பட்டுள்ளது.

இந்தப் படத்தின் மூலம் கிடைக்கும் வருவாயைக் கொண்டு சங்க நிர்வாகத்துக்கு மட்டுமல்லாது முன்னாள் தயாரிப்பாளர்களுக்கான மருத்துவ செலவு, வாரிசுகளுக்கு கல்வி, திருமண உதவி ஆகியனவும் மேற்கொள்ளப்படும் என அறிவிக்கப்பட்டுள்ளது.