மீண்டும் இணைந்த தளபதி கூட்டணி!

1991ஆம் ஆண்டு மணிரத்னம் இயக்கத்தில் வெளியானது தளபதி திரைப்படம். இந்த படத்தில் ரஜினி, மம்முட்டி, அரவிந்த் சாமி என நட்சத்திர பட்டாளமே நடித்திருப்பர். மேலும், இந்த படத்தின் விசுவல்ஸ் இன்றளவும் பிரம்மிப்பையும் பாராட்டையும் சினிமா துறையில் வருவோருக்கு பாடப் புத்தகமாகவும் உள்ளது.

இந்நிலையில், சுமார் 28 ஆண்டுகளுக்கு பின்னர், ரஜினி படத்திற்கு சந்தோஷ் சிவன் தளபதி படத்திற்கு பிறகு மீண்டும் ஒளிப்பதிவு செய்ய ஒப்பந்தமாகியுள்ளார்.

ஏ.ஆர். முருகதாஸ் இயக்கத்தில் ரஜினி நடிக்கவுள்ள புதிய படத்தில் தான் இந்த தளபதி கூட்டணி உருவாகியுள்ளது.

முன்னதாக விஜய் நடிப்பில் ஏ.ஆர். முருகதாஸ் இயக்கிய துப்பாக்கி படத்திற்கு சந்தோஷ் சிவன் ஒளிப்பதிவு செய்திருந்தது குறிப்பிடத்தக்கது.

சந்தோஷ் சிவன் ஒளிப்பதிவு என்றாலே ஸ்டன்னிங்கான விசுவல்ஸ் நிச்சயம் என்பது அனைவரும் அறிந்த ஒன்று. தலைவர் ரஜினியை வேற லெவல் லுக்கில் இந்த படத்தில் எதிர்பார்க்கலாம் என ரசிகர்கள் இப்போதே எதிர்பார்ப்பு குதிரையை எகிற விட்டுள்ளனர்.

இந்த சந்தோஷமான செய்தியை ஒளிப்பதிவாளர் சந்தோஷ் சிவன், தனது டுவிட்டர் பக்கத்தில் நேற்று இரவு பகிர்ந்துள்ளார்.