பீஸ்ட் படத்தில் விஜயுடன் நான்!… ரகசியம் உடைத்த பூஜா ஹெக்டே..

தளபதி விஜய் நடித்து வரும் ‘பீஸ்ட்’ படத்தின் படப்பிடிப்பு சமீபத்தில் சென்னையில் தொடங்கியது. இந்த படப்பிடிப்பில் விஜய் மற்றும் பூஜா ஹெக்டே ஆகியோர் கலந்து கொண்ட பாடல் காட்சி படமாக்கப்பட்டது. இந்த படப்பிடிப்பு 20 நாட்கள் வரை நடைபெற்றது.

விஜய் ஜோடியாக பூஜா ஹெக்டே நடிக்கும் இந்த படத்தில், அபர்ணா தாஸ், யோகிபாபு விடிவி கணேஷ் உள்பட பலர் நடிக்கின்றனர். அனிருத் இசையில் உருவாகும் இந்த படம் அடுத்த ஆண்டு ஏப்ரல் மாதம் தமிழ் புத்தாண்டு தினத்தில் வெளியாகும் என்று எதிர்பார்க்கப்படுகிறது. இப்படத்தை கோலமாவு கோகிலா, டாக்டர் ஆகிய படங்களை இயக்கிய நெல்சன் இயக்கி வருகிறார்.

இந்நிலையில், இப்படத்தில் நடிப்பது பற்றி கருத்து தெரிவித்த பூஜா ஹெக்டே ‘தமிழில் ஒரு நல்ல வாய்புக்காக பல வருடங்கள் காத்திருந்தேன். தற்போது அது விஜயுடன் அமைந்துள்ளது. அவர் ஒரு அருமையான நடிகர். ஒரு பாடல் காட்சி படமாக்கப்பட்டுள்ளது. அடுத்த மாதம் மீண்டும் நான் நடிக்கும் படப்பிடிப்பு துவங்கவுள்ளது’ என தெரிவித்துள்ளார்.

பூஜா ஹெக்டே மிஷ்கின் இயக்கத்தில் உருவான ‘முகமுடி’ படத்தில் தமிழில் அறிமுகமானார். இப்படம் 2012ம் ஆண்டு வெளியானது. இப்படம் தோல்வி அடைந்ததால் பூஜா ஹெக்டே தெலுங்கு சினிமாவில் கவனம் செலுத்தி தற்போது அங்கு முன்னணி நடிகையாக உயர்ந்துள்ளார்.