நடிகை நயன்தாராவின் தந்தை மருத்துவமனையில் அனுமதி!

தமிழ் திரையுலகின் முன்னணி நடிகைகளில் ஒருவரான லேடி சூப்பர் ஸ்டார் நயன்தாராவின் தந்தை உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளதாக வெளிவந்திருக்கும் தகவல் பெரும் பரபரப்பை ஏற்படுத்தி உள்ளது.

தமிழ் திரை உலகின் நம்பர் ஒன் நடிகையாக இருந்து வருபவர் நயன்தாரா. இவருடைய தந்தை Kurian Kodiyattu என்பவர் கடந்த சில நாட்களாக உடல்நலம் பாதிப்பில் இருந்ததாக கூறப்படுகிறது. இந்த நிலையில் தற்போது திடீரென மேலும் உடல் நலக்குறைவு ஏற்பட்டு உள்ளதால் கேரளாவில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருவதாகவும் அவருக்கு மருத்துவர்கள் தீவிர சிகிச்சை அளித்து வருவதாகவும் தகவல்கள் வெளிவந்துள்ளன.

ஏற்கனவே நயன்தாரா தற்போது கொச்சியில் தான் உள்ளார் என்றும் அவர் தந்தையின் அருகில் இருந்து கவனித்துக் கொண்டு இருப்பதாகவும் தகவல்கள் வெளிவந்துள்ளன. மேலும் கடந்த சில நாட்களுக்கு முன்னர் நயன்தாராவின் தந்தை உடல்நலக்குறைவு காரணமாக இருப்பதால் நயன்தாராவின் திருமணத்தை சீக்கிரம் நடத்தி விட வேண்டுமென்று கேட்டுக் கொண்டதாகவும் இதற்கு நயன்தாராவும் விக்னேஷ் சிவனும் ஒப்புக் கொண்டதாகவும் கூறப்படுகிறது.

தற்போது உடல்நலமின்றி நயன்தாராவின் தந்தை மருத்துவமனையில் சிகிச்சை பெற்று வருவதால் அவர் சிகிச்சை முடிந்து வீடு திரும்பியதும் நயன்தாராவின் திருமணம் குறித்த அறிவிப்பு வெளிவரலாம் என்று எதிர்பார்க்கப்படுகிறது.

நயன்தாராவின் தந்தை மருத்துவமனையில் அனுமதிக்கப்பட்டுள்ளதை அடுத்து அவர் விரைவில் குணமாக வேண்டும் என்று ரசிகர்கள் வாழ்த்து தெரிவித்து வருகின்றனர்.