பாஜக வெற்றி பெற்றால் பெண்கள் பிரியாணி சாப்பிட்டு நாடகம் பார்க்கலாம்: நடிகை நமீதா

தமிழகத்தில் பாஜக வெற்றி பெற்றால் பெண்கள் எல்லோரும் பிரியாணி சமைத்து சாப்பிட்டு தொலைக்காட்சியில் நாடகம் பார்க்கலாம் என்று தேர்தல் பிரசாரம் ஒன்றில் நடிகை நமீதா கூறியுள்ளார்.

நடிகை நமிதா பாஜக வேட்பாளர்களை ஆதரித்து தமிழகத்தின் பல பகுதிகளில் பிரச்சாரம் செய்து வருகிறார். அந்த வகையில் இன்று அவர் திருத்துறைப்பூண்டி பகுதியில் பிரச்சாரம் செய்தார். அந்த தொகுதியில் பாஜக வேட்பாளர் வெங்கடேசன் அவர்களுக்கு பிரச்சாரம் செய்த நமீதா, பாஜக வேட்பாளர்களை வெற்றி பெறச் செய்தால் பெண்கள் அனைவரும் அரசு தரும் இலவச சிலிண்டரில் பிரியாணி சமைத்து நன்றாக சாப்பிட்டுவிட்டு அதன் பின்னர் அரசு தரும் இலவச கேபிள் மூலம் டிவியில் நாடகம் பார்க்கலாம் என்று கூறினார்.

மேலும் திமுக பெண்களுக்கு எதிரான கட்சி என்றும் பெண்களை அவமதிக்கும் கட்சி என்றும் அதனால் அந்த கட்சியை தோற்கடிக்க வேண்டும் என்றும் தெரிவித்தார். நமீதாவின் இந்த பிரசாரம் அந்த பகுதியில் பெரும் வரவேற்பை பெற்றுள்ளது.