ஆரோக்கியம்
சூப்பரான கேரளா ஸ்டைல் மாங்காய் சம்மந்தி: கோடைக்கு ஏற்ற சுவையான சைட் டிஷ்!
கோடைக்காலத்திற்கு ஏற்ற சுவையான மாங்காய் சம்மந்தி
கேரளா சமையலில் மிகவும் பிரபலமான சைட் டிஷ்களில் ஒன்று மாங்காய் சம்மந்தி. இது சாதம், கஞ்சி அல்லது இட்லி, தோசை போன்ற உணவுகளுடன் சேர்த்து சாப்பிட மிகவும் சுவையாக இருக்கும். குறிப்பாக கோடைக்காலத்தில் கிடைக்கும் பச்சை மாங்காயால் தயாரிக்கப்படும் இந்த சம்மந்தி, சுவையோடு ஆரோக்கியத்தையும் வழங்கும்.
நீங்களும் மாங்காய் சாப்பிட விரும்புபவராக இருந்தால், இந்த எளிய மாங்காய் சம்மந்தி ரெசிபியை வீட்டிலேயே செய்து பார்க்கலாம்.
தேவையான பொருட்கள்
பச்சை மாங்காய் – 1
துருவிய தேங்காய் – 1 கப்
கடுகு – ½ டீஸ்பூன்
வெந்தயம் – சிறிதளவு
சீரகம் – ½ டீஸ்பூன்
காய்ந்த மிளகாய் – 2 அல்லது 3
கறிவேப்பிலை – தேவையான அளவு
எண்ணெய் – தேவையான அளவு
உப்பு – தேவையான அளவு
செய்முறை
முதலில் ஒரு கடாயை அடுப்பில் வைத்து எண்ணெய் ஊற்றவும்.
அதில் கடுகு, வெந்தயம், சீரகம், காய்ந்த மிளகாய் மற்றும் கறிவேப்பிலை சேர்த்து நன்றாக தாளிக்கவும்.
பின்னர் இந்த தாளித்த பொருட்களை ஒரு மிக்ஸி ஜாரில் சேர்க்கவும்.
அதனுடன் நறுக்கிய மாங்காய், துருவிய தேங்காய் மற்றும் தேவையான அளவு உப்பு சேர்க்கவும்.
இதனை கொரகொரப்பான பதத்தில் அரைத்து எடுத்துக்கொள்ளவும்.
இவ்வாறு செய்தால் சுவையான மாங்காய் சம்மந்தி தயாராகிவிடும். இது கோடைக்காலத்தில் சாதத்துடன் சேர்த்து சாப்பிட மிகவும் பொருத்தமான சைட் டிஷ் ஆகும்.
எளிதில் கிடைக்கும் சில பொருட்களைக் கொண்டு குறைந்த நேரத்தில் செய்யக்கூடிய இந்த மாங்காய் சம்மந்தி, சுவையிலும் ஆரோக்கியத்திலும் சிறந்தது. கோடைக்காலத்தில் உங்கள் உணவில் இதை சேர்த்து சுவைத்து பாருங்கள்.
