பர்சனல் ஃபினான்ஸ்
வருமான வரி தாக்கல் செய்வதற்கான காலக்கெடு டிசம்பர் 31 வரை நீட்டிப்பு!
2019-2020 நிதியாண்டுக்கான வருமான வரியைத் தாக்கல் செய்வதற்கான காலக்கெடு, 2020, டிசம்பர் 31 வரை நீட்டிப்படுவதாக, நிதி அமைச்சகம் சனிக்கிழமை அறிவித்துள்ளது.
முன்னதாக வருமான வரி தாக்கல் செய்வதற்கான ஜூலை 31-ம் தேதியிலிருந்து, நவம்பர் 30-ம் தேதி வரையில் நீட்டிக்கப்பட்டு இருந்தது.
தனிக்கை பார்க்க வேண்டிய கணக்குகளின் வருமான வரி தாக்கல் செய்வதற்கான காலக்கெடு 2021, ஜனவரி 31-ம் தேதி வரை நீட்டிக்கப்பட்டுள்ளது.
சர்வதேச பணப் பரிவர்த்தனை குறித்த அறிக்கையைத் தாக்கல் செய்வதற்கான காலக்கெடுவையும் நவம்பர் 30-ம் தேதியிலிருந்து 2021, ஜனவரி 31 வரை நீட்டித்துள்ளதாகத் தெரிவிக்கப்பட்டுள்ளது.
