புனித் ராஜ்குமார் உடல்நிலை மிகவும் கவலைக்கிடம்…அதிர்ச்சி செய்தி….

மறைந்த கன்னட நடிகர் ராஜ்குமாரின் இளையமகன் புனித் ராஜ்குமார். கன்னட சினிமா உலகில் சூப்பர்ஸ்டாராக வலம் வருகிறார். அதேபோல், இவரின் அண்ணன் சிவ் ராஜ்குமாரும் அங்கு பிரபல நடிகராக இருக்கிறார். இருவருக்கும் கர்நாடகாவில் ஏராளமான ரசிகர்களும் உண்டு.

இன்று காலை ஜிம்மியில் உடற்பயிற்சி செய்து கொண்டிருந்த போது புனித் ராஜ்குமாருக்கு மாரடைப்பு ஏற்பட்டது. எனவே, உடனடியாக அவர் பெங்களூரில் உள்ள ஒரு தனியார் மருத்துவமனையில் சிகிச்சைக்காக அனுமதிக்கப்பட்டுள்ளார். இந்த செய்தி கேட்டதும் அவரின் ரசிகர்கள் மருத்துவமனை முன்பு கூடினர். மேலும், இந்த விவகாரம் கன்னட சினிமா உலகில் பரபரப்பை ஏற்படுத்தியுள்ளது.

இந்நிலையில், அவரின் உடல்நிலை மிகவும் கவலைக்கிடமாக இருப்பதாகவும், எங்களால் முடிந்ததை செய்து வருகிறோம் என மருத்துவர்கள் கூறியுள்ளனர். இது அவரின் ரசிகர்களுக்கு பேரதிர்ச்சியை ஏற்படுத்தியுள்ளது. இதில் சோகம் என்னவெனில் சில ஊடங்கள் அவர் இறந்துவிட்டதாகவும் செய்தி வெளியிட்டு வருகிறது.