ஹாலிவுட் என்ட்ரி குறித்து தனுஷ் வெளியிட்ட அறிக்கை!

நடிகர் தனுஷ், புதிதாக ஹாலிவுட் படம் ஒன்றில் நடிக்க ஒப்பந்தம் செய்யப்பட்டுள்ளார்.

மார்வெல் நிறுவனத்திற்காக எவெஞ்சர்ஸ் மற்றும் பல்வேறு சூப்பர் ஹீரோ படங்களை இயக்கிய ரூஸோ பிரதர்ஸ் அடுத்ததாக ‘தி கிரே மேன்’ என்கிற ஹாலிவுட் படத்தை எடுக்கிறார்கள். நெட்ஃபிளிக்ஸ் நிறுவனம் சார்பில் இந்தப் படம் தயாரிக்கப்பட உள்ளது.

இதில் கேப்டன் அமெரிக்கா ரோலில் நடித்த கிரிஸ் இவான்ஸ், மற்றொரு பிரபல ஹாலிவுட் நடிகரான ரியன் காஸ்லிங் உள்ளிட்டவர்கள் முக்கிய கதாப்பாத்திரங்களில் நடிக்கின்றனர். இந்நிலையில் தனுஷுக்கும் இந்தப் படத்தில் முக்கிய ரோல் கொடுக்கப்படும் என்று தகவல் சொல்லப்படுகிறது.

இந்தப் படம் குறித்தான அறிவிப்பை நெட்ஃபிளிக்ஸ் நிறுவனம் அதிகாரப்பூர்வமாக உறுதி செய்துள்ளது. இதனால் தனுஷ் ரசிகர்கள் மட்டுமல்லாமல், தமிழ்த் திரையுலகமே உற்சாகத்தில் உள்ளது. தனுஷுக்குப் பல்வேறு திரைப் பிரபலங்களும் சமூக வலைதளங்கள் மூலம் வாழ்த்து தெரிவித்து வருகிறார்கள். இதற்கு முன்னரும் பல வெளிநாட்டுப் படங்களில் தனுஷ் நடித்திருந்தாலும், இது ஹாலிவுட்டின் முக்கிய புள்ளிகள் உருவாக்கும் படம் என்பதால், அதிக கவனம் பெற்றுள்ளது. இந்தப் படத்திற்குப் பின்னர் தனுஷ் ஹாலிவுட்டின் பிஸியானால் ஆச்சரியப்படுவதற்கில்லை.

இது குறித்து தனுஷ், ‘நெட்ஃபிளிக்ஸின் ‘தி கிரே மேன்’ படத்தில் நான் இணைவேன் என்பதை மிகுந்த மகிழ்ச்சியோடு தெரிவித்துக் கொள்கிறேன். இந்தப் படத்தில் ரியன் காஸ்லிங், கிரிஸ் இவான்ஸ் நடிக்க ரூஸா பிரதர்ஸ் இயக்குகின்றனர்.

இந்த அசத்தலான அதிரடி அனுபவத்தில் ஒரு பகுதியாக இருக்க எதிர்நோக்கிக் காத்திருக்கிறேன். இதற்கு உலகம் முழுவதும் இருக்கும் என்னுடைய ரசிகர்களுக்கு மனம் நிறைந்த நன்றி. எனக்குப் பல்லாண்டு காலமாக நீங்கள் காட்டி வரும் அன்புக்கு நன்றி. லவ் யூ ஆல். அன்பைப் பரப்புங்கள்…! ஓம் நமச்சிவாய’ என்று அறிக்கை மூலம் கூறியுள்ளார்.

@netflix @netflixindia @russo_brothers @ryangosling @chrisevans @preena621 pic.twitter.com/LK5u5ZnUG0

— Dhanush (@dhanushkraja) December 18, 2020