ஒரே ஒரு அறிவிப்பு.. ரூ.5000 கோடி லாஸ்: அமேசான் ஜெஃப் பிஜோஸ் அதிர்ச்சி

அமேசான் நிறுவனத்தின் ஒரே ஒரு அறிவிப்பு காரணமாக அந்நிறுவனத்திற்கு ஒரே நாளில் 5000 கோடி ரூபாய் நஷ்டம் என்று வெளிவந்திருக்கும் செய்து பெரும் அதிர்ச்சியை ஏற்படுத்தி உள்ளது.

தற்போது உலகின் பணக்காரர்கள் பட்டியலில் அமேசான் நிறுவனத்தின் ஜெப் பிஜோஸ் 6-வது இடத்தில் இருக்கிறார். இந்த நிலையில் அமேசான் நிறுவனம் எடுத்த அதிரடி நடவடிக்கை காரணமாக அந்த நிறுவனத்தில் பணிபுரியும் 18,000 ஊழியர்கள் பணி நீக்கம் செய்யப்படுவார்கள் என்றும் இதுகுறித்த அறிவிப்பு விரைவில் வெளியாகும் என்றும் கூறப்பட்டது.

இந்த அறிவிப்பு வெளியான சில மணி நேரங்களில் அமெரிக்க பங்குச் சந்தையில் அமேசான் நிறுவனத்தின் பங்குகள் சரியத் தொடங்கின. அமேசான் நிறுவனத்தின் பங்கு ஒரு சதவிகிதம் வரை குறைந்ததாக கூறப்படுகிறது. இதனால் ஒரே நாளில் பணிநீக்க அறிவிப்பு காரணமாக அமேசான் நிறுவனத்தின் பங்குகள் 675 மில்லியன் டாலர் இழப்பு ஏற்பட்டதாகவும் இது இந்திய மதிப்பில் 5 ஆயிரம் கோடிக்கும் அதிகம் என்றும் கூறப்படுகிறது.

பொருளாதார சூழ்நிலை காரணமாக பணியாளர்களை நீக்க எடுக்கப்பட்ட நடவடிக்கை காரணமாக அமேசான் நிறுவனத்திற்கு 5000 கோடி நஷ்டம் ஏற்பட்டதால் அந் நிறுவனத்தின் சிஇஓ ஜெஃப் பிஜோஸ் அவர்களுக்கு பெரும் அதிர்ச்சியை ஏற்படுத்தி உள்ளது.

அமேசான் நிறுவனத்தின் ஜெஃப் பிஜோஸ் சொத்து மதிப்பு கடந்த சில மாதங்களாகவே குறைந்து வரும் நிலையில் அவர் உலக பணக்காரர் பட்டியலில் இருந்து பின்தங்கி வருகிறார். தற்போதைய பங்குச்சந்தை சரிவு காரணமாக மேலும் அவர் பின்னடைவுக்கு செல்ல வாய்ப்பு இருப்பதாக கூறப்படுகிறது.

இந்த நிலையில் அமேசான் நிறுவனத்தின் வேலை நீக்க நடவடிக்கையால் பங்கு விலை குறைந்ததன் காரணமாக பணிநீக்க நடவடிக்கையை ஒத்திவைக்க அந்நிறுவனம் திட்டமிட்டு வருவதாகவும் கூறப்படுகிறது.