டாப் 10 நடிகர் பட்டியலில் இடம் பிடித்த யோகிபாபு…குவியும் வாழ்த்துக்கள்…

விஜய் டிவியில் ஒளிபரப்பான லொள்ளு சபா நிகழ்ச்சியில் கும்பலோடு கும்பலாக நின்றவர் யோகிபாபு. அதன்பின் பல வருட போராட்டங்கள். சில திரைப்படங்களில் சின்ன சின்ன வேடங்களில் நடித்தார்.

நெல்சன் இயக்கத்தில் நயன்தாரா நடித்த ‘கோலமாவு கோகிலா’ திரைப்படம் அவரின் திரை வாழ்க்கையை மாற்றியது. இப்படத்தில் இடம் பெற்ற ‘கண்ணால சொக்குற’ பாடல் யோகிபாபுவை பட்டி தொட்டியெங்கும் பிரபலமடைய வைத்தது.

அதன்பின் அவரின் கிராப் கொஞ்சம் கூட குறையவில்லை. ஒருபக்கம், முன்னணி நடிகர்களின் படங்களில் காமெடி செய்து வரும் அவர், மண்டேலா போன்ற படங்களில் நடித்து ரசிகர்களை கவர்ந்து வருகிறார். கூர்கா, தர்ம பிரபு உள்ளிட்ட சில படங்களில் ஹீரோவாகவும் நடித்தார்.

தற்போது, டாப் 10 கோலிவுட் நடிகர்கள் பட்டியலிலும் அவர் இணைந்துள்ளார். Star domain online என்கிற பிரபல ஆங்கில நாளிதழ் வெளியிட்டுள்ள பட்டியலில்,

ரஜினி – முதலிடம்
விஜய் – 2வது இடம்
தனுஷ் – 3வது இடம்
சூர்யா – 4வது இடம்
சிம்பு – 5வது இடம்
ஆர்யா – 6வது இடம்
எஸ்.ஜே சூர்யா – 7வது இடம்
சிவகார்த்திகேயன் – 8வது இடம்
யோகிபாபு – 9வது இடம்
விஜய் சேதுபதி – 10வது இடம் பிடித்துள்ளனர்.

இந்த செய்தியை யோகிபாபுவே தனது டிவிட்டர் பக்கத்தில் பகிர்ந்துள்ளார்.

யோகிபாபு 9வது இடம் இருக்கட்டும்… ஒரு படம் ஹிட் கொடுத்த சிம்பு 5வது இடம், சிவகார்த்திகேயன் 8வது இடம், விஜய் சேதுபதி 10வது இடம் என்பதை ஏற்க முடியவில்லை என பலரும் பதிவிட்டு வருகின்றனர்.