உலக மக்கள் அமெரிக்காவை வெறுப்பதற்கான காரணம்

“கர்மா வலியது” என்பதற்கு இணங்க, இத்தனை ஆண்டுகளாக உலகையே தனது ஒற்றை ஆதிக்கத்தால் ஆட்டிப்படைத்த அமெரிக்கப் பொருளாதாரம், இன்று பலரும் அறியாத வகையில் ஒரு மிகப்பெரிய அதலபாதாளத்தை நோக்கிச் சரிந்து கொண்டிருக்கிறது.

உலகில் தோன்றிய எந்தவொரு பெரிய சாம்ராஜ்யமும் அழியாமல் இருந்ததில்லை. இன்று நாம் காணும் உலக ஒழுங்கு மீண்டும் ஒரு பாரிய மாற்றத்தைச் சந்தித்துக் கொண்டிருக்கிறது.

கடந்த 80 ஆண்டுகளாக உலகை ஆட்டிப்படைத்த அமெரிக்கப் பொருளாதாரம் இன்று வீழ்ச்சியை நோக்கி நகர்வது வரலாற்று ரீதியாகத் தவிர்க்க முடியாத ஒன்றாகத் தெரிகிறது.

ரோமானியச் சாம்ராஜ்யம் முதல் பிரிட்டிஷ் சாம்ராஜ்யம் வரை அனைத்துமே ஒரே மாதிரியான காரணங்களால்தான் வீழ்ந்தன.

அமெரிக்கா தனது இராணுவ பலத்தையும், டாலரின் (USD) ஆதிக்கத்தையும் பயன்படுத்தி உலக நாடுகளின் மீது காட்டிய ‘அடாவடித்தனங்கள்’ இன்று அதற்கு எதிராகவே திரும்பியுள்ளன.

அமெரிக்கப் பொருளாதாரம் தற்போது ஒரு ‘கடனில் இயங்கும் பொருளாதாரம்’ (Debt-based Economy) டாலர் உலகளாவிய reserve currency ஆக இருப்பதால்தான் அமெரிக்காவால் தடையின்றி பணத்தை அச்சிடவும், பெரும் கடன் சுமையைத் தாங்கவும் முடிகிறது.

ஆனால் இப்போது நாடுகள் டாலரை விடுத்து BRICS நாணயத்திற்கு மாறும்போது, உலகச் சந்தையில் இருக்கும் டிரில்லியன் கணக்கான டாலர்கள் மீண்டும் அமெரிக்காவிற்கே திரும்பும். இது அமெரிக்காவிற்குள் hyper inflation ஐ வரலாறு காணாத அளவிற்கு உயர்த்தும். சாதாரண அமெரிக்கர்களின் purchasing power வெகுவாக குறைந்து வாழ்வாதாரத்தைச் சிதைக்கும்.

அமெரிக்கா தனது பட்ஜெட் பற்றாக்குறையைச் சமாளிக்க பிற நாடுகளுக்கு கடன் பத்திரங்களை (Treasury Bonds) விற்கிறது. நாடுகள் டாலரை நிராகரித்தால், அமெரிக்காவால் கடன் வாங்க முடியாது. இது அந்நாட்டின் உள்கட்டமைப்பு மற்றும் ராணுவச் செலவுகளை முடக்கும்.

அமெரிக்க டாலரின் பலமே  எண்ணெய் வர்த்தகம் டாலரில் நடப்பதுதான் (Petrodollar). தற்போது சவுதி அரேபியா, ஈரான் மற்றும் ஐக்கிய அரபு எமிரேட்  போன்ற நாடுகள் BRICS அமைப்பில் இணைந்திருப்பது இந்த அடித்தளத்தைத் தகர்க்கிறது.

எண்ணெய் மற்றும் அத்தியாவசியப் பொருட்கள் டாலர் அல்லாத பிற நாணயங்களில் (யுவான், ரூபி அல்லது பிரிக்ஸ் புதிய நாணயம்) வர்த்தகம் செய்யப்படும்போது, டாலருக்கான தேவை சர்வதேச அளவில் சரிந்துவிடும்.

பொருளாதாரப் பலம் குறைந்தால், உலகம் முழுவதும் உள்ள 800- கும் மேற்பட்ட ராணுவத் தளங்களைப் பராமரிக்க அமெரிக்காவால் முடியாது. இது அதன் Global Policeman என்ற பிம்பத்தைச் சிதைக்கும்.

டாலர் வீழ்ச்சியால் ஏற்படும் வேலைவாய்ப்பின்மை மற்றும் விலைவாசி உயர்வு, அமெரிக்காவிற்குள் சமூகப் பதற்றங்களையும், மாநிலங்களுக்கு இடையேயான பிரிவினைவாதச் சிந்தனைகளையும் தூண்டக்கூடும்.

அமெரிக்கா ஒரு சாதாரண பிராந்திய சக்தியாக (Regional Power) மாறும்.

உலகம் இனி வாஷிங்டனைச் சுற்றிச் சுழலாமல், பெய்ஜிங், டெல்லி, மாஸ்கோ மற்றும் ரியாத் எனப் பல அதிகார மையங்களைக் கொண்ட ஒரு ‘பல துருவ உலகமாக’ (Multipolar World) மாறும்.

அமெரிக்கா தற்போது விதிக்கும் 100% வரி (Tariffs) மற்றும் மிரட்டல்கள் அனைத்தும் அதன் ‘அவசரத்தைக்’ காட்டுகின்றன.

மூழ்கும் கப்பலைத் தற்காக்க எடுக்கும் கடைசி முயற்சியாகவே இது பார்க்கப்படுகிறது. ஆனால், உலக உற்பத்தியின் பெரும்பகுதியைக் கொண்டுள்ள BRICS நாடுகளை வரி விதிப்பால் மட்டும் கட்டுப்படுத்த முடியாது என்பதுதான் கசப்பான உண்மை.

2026-ல் BRICS நாணயத்தின் வருகை என்பது அமெரிக்கச் சாம்ராஜ்யத்தின் இறுதி அத்தியாயத்தின் தொடக்கமாக அமையும்.

அமெரிக்கா தனது டாலரைக் காப்பாற்ற எடுக்கும் ஒவ்வொரு ஆக்ரோஷமான நடவடிக்கையும், மற்ற நாடுகளை இன்னும் வேகமாக பிரிக்ஸ் கூட்டமைப்பை நோக்கித் தள்ளும் ‘எதிர்மறை விளைவையே’ (Backfire) ஏற்படுத்தும்.

வரலாறு மீண்டும் ஒருமுறை நிரூபித்துக் கொண்டிருக்கிறது, எந்தவொரு இராச்சியமும் மக்களின் தேவைகளையும், மற்ற நாடுகளின் இறையாண்மையையும் மதிக்கத் தவறினால் அது வீழ்ச்சியைச் சந்திக்கும்.

டாலரின் வீழ்ச்சி தவிர்க்க முடியாதது, அது ஒரு புதிய, சமமான உலகப் பொருளாதார விடியலுக்கு வழிவகுக்கும்.