8வது ஊதியக்குழு: புவனேஸ்வரில் முக்கிய ஆலோசனை கூட்டம்.. ஊழியர்களின் கோரிக்கைகள் தீவிரம்!

மத்திய அரசு ஊழியர்கள் மற்றும் ஓய்வூதியதாரர்களின் சம்பளம், ஓய்வூதியம் மற்றும் பல்வேறு படிகளை மறுஆய்வு செய்வதற்காக அமைக்கப்பட்டுள்ள 8வது ஊதியக்குழு, தற்போது நாடு முழுவதும் கலந்தாலோசனைகளை தீவிரப்படுத்தியுள்ளது.

அதன் ஒரு பகுதியாக, 2026 ஜூலை 6 மற்றும் 7 ஆகிய தேதிகளில் ஒடிசா மாநிலத்தின் புவனேஸ்வரில் முக்கிய ஆலோசனை கூட்டங்கள் நடைபெறவுள்ளதாக அதிகாரப்பூர்வமாக அறிவிக்கப்பட்டுள்ளது.

இந்த கூட்டத்தில் கலந்து கொண்டு தங்களது கருத்துகள் மற்றும் கோரிக்கைகளை முன்வைக்க விரும்பும் அமைப்புகள் மற்றும் தனிநபர்கள், 2026 ஜூன் 15-ஆம் தேதிக்குள் விண்ணப்பிக்க வேண்டும் என்று ஆணையம் தெரிவித்துள்ளது.

“தனித்துவமான மெமோ ஐடி” அவசியம்

ஊழியர் சங்கங்கள் மற்றும் தொழிற்சங்கங்கள், தங்களது கோரிக்கை மனுக்களை சமர்ப்பித்த பிறகு உருவாகும் “Unique Memo ID” மூலம் மட்டுமே சந்திப்பு கோரிக்கைகளை சமர்ப்பிக்க வேண்டும் என அறிவுறுத்தப்பட்டுள்ளது.

ஊழியர்கள் மற்றும் ஓய்வூதியதாரர்களிடமிருந்து நேரடியாக கருத்துக்களை பெறும் நோக்கில், பல்வேறு மாநிலங்களில் இந்த கலந்தாய்வு கூட்டங்கள் நடத்தப்பட்டு வருகின்றன.

ஏற்கனவே நடைபெற்ற முக்கிய கூட்டங்கள்

8வது ஊதியக்குழு இதற்கு முன் டெல்லியில் ஆலோசனை கூட்டங்களை நடத்தியுள்ளது. அதோடு லக்னோ, ஹைதராபாத், ஸ்ரீநகர், லடாக் மற்றும் ஜம்மு & காஷ்மீர் உள்ளிட்ட பகுதிகளிலும் சமீபத்தில் கலந்துரையாடல்கள் நடைபெற்றுள்ளன.

இதற்கான மனுக்களை, 8வது ஊதியக்குழுவின் அதிகாரப்பூர்வ இணையதளம் மூலம் மே 31, 2026க்குள் சமர்ப்பிக்கலாம் என்று தெரிவிக்கப்பட்டுள்ளது.

ஊழியர் சங்கங்களின் முக்கிய கோரிக்கைகள்

நாடு முழுவதும் உள்ள மத்திய அரசு ஊழியர் அமைப்புகள், பல முக்கிய கோரிக்கைகளை ஆணையத்திடம் முன்வைத்துள்ளன.

முக்கிய கோரிக்கைகள்:

• ஃபிட்மென்ட் ஃபாக்டரை உயர்த்துதல்
• அகவிலைப்படியை (DA) அடிப்படை ஊதியத்துடன் இணைத்தல்
• குடும்ப அலகு முறையில் திருத்தம்
• ஓய்வூதிய சீர்திருத்தங்கள்
• பழைய ஓய்வூதியத் திட்டத்தை மீண்டும் அமல்படுத்துதல்

பணவீக்கம் மற்றும் குடும்பச் செலவுகள் அதிகரித்து வரும் நிலையில், சம்பள உயர்வு அவசியம் என ஊழியர் அமைப்புகள் தொடர்ந்து வலியுறுத்தி வருகின்றன.

ஃபிட்மென்ட் ஃபாக்டர் எவ்வளவு ஆகும்?

7வது ஊதியக்குழுவில் ஃபிட்மென்ட் ஃபாக்டர் 2.57 ஆக நிர்ணயிக்கப்பட்டிருந்தது.

ஆனால் 8வது ஊதியக்குழுவில் இது 2.28 முதல் 3.83 வரை உயரக்கூடும் என பல்வேறு தகவல்கள் வெளியாகி வருகின்றன. குறிப்பாக 3.83 ஃபிட்மென்ட் ஃபாக்டரையே வழங்க வேண்டும் என்று ஊழியர் சங்கங்கள் வலியுறுத்துகின்றன.

DA அடிப்படை ஊதியத்துடன் இணைக்கப்படுமா?

மத்திய அரசு ஊழியர்களுக்கான அகவிலைப்படி (DA) ஜனவரி 1, 2026 முதல் வழங்கப்பட உள்ளது.

ஊழியர் அமைப்புகள் கூறுவதாவது, 8வது ஊதியக்குழுவின் இறுதி பரிந்துரைகள் அமலுக்கு வரும் வரை காத்திருக்காமல், தற்போதைய DA-வை அடிப்படை ஊதியத்துடன் இணைத்து இடைக்கால நிவாரணம் வழங்க அரசு முடிவு எடுக்கலாம் என எதிர்பார்க்கப்படுகிறது.

இதனால் ஊழியர்களுக்கு கணிசமான சம்பள உயர்வு கிடைக்கும் வாய்ப்பு இருப்பதாக கூறப்படுகிறது.

குடும்ப அலகு முறையில் பெரிய மாற்றம்?

தற்போது பயன்படுத்தப்படும் “3-குடும்ப அலகு” முறைக்கு பதிலாக “5-குடும்ப அலகு” முறையை அமல்படுத்த வேண்டும் என ஊழியர் சங்கங்கள் கோரிக்கை வைத்துள்ளன.

இன்றைய பொருளாதார சூழலில் குடும்பச் செலவுகள் அதிகரித்துள்ளதால், தற்போதைய கணக்கீட்டு முறை போதுமானதாக இல்லை என்று சங்கங்கள் வாதிடுகின்றன.

7வது மற்றும் 8வது ஊதியக்குழு: முக்கிய வித்தியாசங்கள்

பொதுவான கேள்விகள் (FAQs)

1. 8வது ஊதியக்குழு புவனேஸ்வர் பயணம் எப்போது?

2026 ஜூலை 6 மற்றும் 7 ஆகிய தேதிகளில் புவனேஸ்வரில் ஆலோசனை கூட்டங்கள் நடைபெறும்.

2. ஃபிட்மென்ட் ஃபாக்டர் எவ்வளவு உயரலாம்?

2.28 முதல் 3.83 வரை உயரக்கூடும் என எதிர்பார்க்கப்படுகிறது.

3. குடும்ப அலகு மாற்றம் ஏன் முக்கியம்?

குறைந்தபட்ச ஊதிய கணக்கீட்டில் குடும்ப அலகு முக்கிய பங்கு வகிப்பதால், அதில் மாற்றம் ஏற்பட்டால் சம்பள உயர்வில் நேரடி தாக்கம் இருக்கும்.