வணிகம்
8வது ஊதியக் குழு தாமதம்! ஊதிய உயர்வு 2026 இறுதிக்குமேல் வாய்ப்பு – ஊழியர்களுக்கு கவலை!
8வது ஊதியக் குழு தாமதம்! சம்பள உயர்வு இன்னும் காத்திருக்க வேண்டும் – மத்திய அரசு ஊழியர்களுக்கு அதிர்ச்சி தகவல்!
மத்திய அரசு ஊழியர்கள் நீண்ட காலமாக எதிர்பார்த்துக் கொண்டிருக்கும் 8வது ஊதியக் குழு தொடர்பான அதிகாரப்பூர்வ அறிவிப்பு இன்னும் வெளியாகவில்லை. இதனால், சம்பள உயர்வு மற்றும் ஓய்வூதிய மாற்றங்கள் தாமதமாகும் என்பதாலேயே ஊழியர்களிடையே பெரும் கவலை நிலவுகிறது.
2024ல் ஒப்புதல் அளிக்கப்பட்டுள்ளதால், 35 லட்சம் மத்திய அரசு ஊழியர்களும் 67 லட்சம் ஓய்வூதியதாரர்களும் இதற்காக ஆவலுடன் காத்திருக்கின்றனர். இருப்பினும், 2026 ஜனவரி 1ஆம் தேதி இக்குழு அமலாக வாய்ப்பு குறைவாகவே இருப்பதாகவே தெரிகிறது.
8வது ஊதியக் குழு எப்போது அமலாகும்?
சாதாரணமாக ஊதியக் குழு பரிந்துரைகள் செயல்பட 18–24 மாதங்கள் ஆகும். எனவே, 2026 இறுதியில் அல்லது 2027 தொடக்கத்தில் தான் ஊதிய உயர்வு நடைமுறைக்கு வரும் என்று நிபுணர்கள் கணிக்கின்றனர்.
ஃபிட்மெண்ட் காரணி – சம்பள உயர்வுக்கு மூலக்கூறு!
7வது ஊதியக் குழுவில் ஃபிட்மெண்ட் காரணி 2.57, அடிப்படை ஊதியம் ₹18,000.
8வது ஊதியக் குழுவில் இது 2.5 முதல் 2.86 வரை இருக்கலாம் என எதிர்பார்க்கப்படுகிறது. இதனால், அடிப்படை ஊதியம் ₹40,000 – ₹45,000 ஆக உயரலாம்.
அகவிலைப்படி உயர்வு 2025 ஜூலை முதல்?
தற்போது ஆண்டுக்கு இருமுறை மாற்றப்படும் அகவிலைப்படி (DA), 2025 ஜூலை மாதம் மீண்டும் 2% அல்லது 3% உயர வாய்ப்பு உள்ளது. இதனால், அடிப்படை சம்பளத்துடன் இணைந்த ஊதியம் மேலும் அதிகரிக்கலாம்.
ஊழியர்கள் எதிர்பார்ப்பு மற்றும் கோரிக்கைகள்
சம்பள உயர்வு, ஓய்வூதிய உயர்வு மற்றும் பணி சலுகைகள் அதிகரிக்க வேண்டும்.
20% இடைக்கால நிவாரணம் வழங்க வேண்டும் (5வது மற்றும் 6வது ஊதியக் குழு போல்).
ஊதியக் குழு விரைவில் அமைக்கப்பட வேண்டும் என்பதே சங்கங்களின் வலியுறுத்தல்.
