Uncategorized
டீ கடை ஸ்டைலில் நல்ல மொறுமொறுப்பான கீரை போண்டா

கீரை போண்டா செய்ய தேவையான பொருள்கள்…
கீரை: சிறுகீரை, அரைக்கீரை அல்லது முருங்கைக்கீரை (2 கப் பொடியா நறுக்கியது)
கடலை மாவு: 1 கப்
அரிசி மாவு: ¼ கப்
பெரிய வெங்காயம்: 2
பச்சை மிளகாய்: 2 – 3
மல்லித்தழை கறிவேப்பிலை: சிறிதளவு (பொடியாக நறுக்கியது)
சோம்பு: 1 டீஸ்பூன்
பெருங்காயத்தூள்: ¼ டீஸ்பூன்
சமையல் சோடா (பேக்கிங் சோடா): 1 சிட்டிகை (விருப்பப்பட்டால்)
சூடான எண்ணெய்: 1 டேபிள் ஸ்பூன் (மாவுல ஊத்த)
உப்பு & பொரிக்க எண்ணெய்: தேவையான அளவு
செய்யலாம் வாங்க…
நறுக்குன கீரை, வெங்காயம், பச்சை மிளகாய், மல்லித்தழை, கறிவேப்பிலை,சோம்பு, பெருங்காயம், உப்பு சேர்த்து கையால நல்லா அழுத்திப் பிசைங்க (தண்ணி விடும்).
கடலை மாவு, அரிசி மாவு சேர்த்து, கொஞ்சமா தண்ணி தெளிச்சு கெட்டியா, உதிரியா பிசைங்க. கடைசியா ஒரு ஸ்பூன் சூடான எண்ணெய் ஊத்தி கலந்துக்கோங்க.
மிதமான தீயில எண்ணெயைக் காய வச்சு, மாவைக் கிள்ளிப் போட்டு பொன்னிறமா பொரிச்சு எடுத்தா சூடான கீரை போண்டா ரெடி!
இந்த குளிர்கால மாலை வேளைக்கு தோதான ஸ்நாக்ஸ் …



