இந்தியா
காலை நேரத் தலைப்புச் செய்திகள் – 19.11.2026

- வங்கக் கடலில் நிலை கொண்டுள்ள அக்வான் புயலின் வேகம் கூடிக்கொண்டே வருகிறது. இந்த புயல் இன்று ஆந்திர மாநிலம் நரசாப்பூருக்கும் ஒடிசாவின் பூரிக்கும் இடையில் கரையை கடக்கும் என எதிர்பார்க்கப்படுகிறது. மணிக்கு 110 கிமீ. வேகத்தில் காற்று வீசக்கூடும் என வானிலை வல்லுநர்கள் எச்சரித்துள்ளனர்.
- ஒரு டெஸ்ட் இன்னிங்சில் அதிக DISMISSALS செய்த விக்கெட் கீப்பர் என்ற சாதனையை படைத்தார் வங்கதேச வீரர் லிட்டன் தாஸ்.
- ஆந்திராவைப் போல தமிழ்நாட்டிலும் மாற்றுத் திறனாளிகளுக்கான மாதாந்திர உதவித்தொகையை ரூ.6000 ஆக உயர்த்தக் கோரி வரும் டிசம்பர் 3ம் தேதி முதல் காத்திருப்பு போராட்டம் நடத்த மாற்றுத் திறனாளிகள் சங்கம் முடிவு.
- ஆந்திராவில் மகளிர் இலவச பேருந்து பயண திட்டம் காரணமாக பாதிக்கப்பட்ட ஆட்டோ ஓட்டுநர்களுக்கு ஆண்டுக்கு ரூ.15000 வழங்குவது குறித்து பரிசீலிக்கப்பட்டு வருவதாக ஆந்திர அரசு அறிவிப்பு.
- 2027ல் சுற்றுலா செல்ல சிறந்த நாடாக இந்தியாவை அறிவித்துள்ளது நியுயார்க்கை சேர்ந்த பயண இதழான TRAVEL + LEISURE. இந்தியாவில் உள்ள உணவுகள், பண்பாடு, புவியியல் பன்முகத்தன்மை, வனவிலங்குகள் சார்ந்தபயணங்கள், கட்டடக்கலை எல்லா நாடுகளில் உள்ளவர்களையும் ஈர்க்கும் வகையில் அமைந்துள்ளதாகவும் தெரிவித்துள்ளது.
- தமிழ்நாட்டில் கடந்த ஆண்டை விட இந்த ஆண்டு அக்டோபர் மாதத்தில் நிலத்தடி நீர் மட்டம் 2 முதல் 4 மீட்டர் வரை சரிந்துள்ளது. கோவை, ஈரோடு, கரூர், நாமக்கல், திண்டுக்கல் ஆகிய மாவட்டங்களில் நிலத்தடி நீர்மட்டம் பெருமளவில் சரிவு. சென்னையில் நீர்மட்டம் கடந்த ஆண்டில் 3.55 ஆக இருந்தது இப்போது 1.54 மீட்டராக சரிந்துள்ளது. – மாநில நீர்வள தரவு மையம்.
- உலக பாரம்பரிய வாரத்தையொட்டி விழுப்புரம் மாவட்டம் செஞ்சி கோட்டையை பொதுமக்கள் இன்று 19.11.2026 ஒருநாள் இலவசமாக பாரவையிட அனுமதி.
- டெல்லியில் 2 நாள் பயங்கரவாத எதிர்ப்பு மாநாட்டை உள்துறை அமைச்சர் அமித்ஷா இன்று தொடங்கி வைக்கிறார். எல்லை தாண்டிய பயங்கரவாதம் என்ற கருப்பொருளில் தேசீய புலனாய்வு முகமை இந்த மாநாட்டை நடத்துகிறது.





