சினிமா
பத்து நாள் ராஜா – விரைவில் திரைக்கு வரும் புதிய குடும்ப பொழுதுபோக்கு திரைப்படம்!

தமிழ் மற்றும் தெலுங்கு ரசிகர்களுக்கு ஒரு புதிய சினிமா அப்டேட்!
சதீஷ் மற்றும் ஆதி சாய்குமார் இணைந்து நடித்துள்ள புதிய திரைப்படம் ‘பத்து நாள் ராஜா’ விரைவில் திரையரங்குகளில் வெளியாக இருக்கிறது.
எஸ்.ஜி.எஸ் புரொடக்ஷன்ஸ் தயாரிப்பில், ‘கூகுள் குட்டப்பா’ படத்தின் மூலம் கவனம் பெற்ற இயக்குநர் குரு சரவணன் இந்தப் படத்தை இயக்கியிருக்கிறார்.
இந்தப் படம் தமிழில் ‘பத்து நாள் ராஜா‘ என்றும், தெலுங்கில் ‘ஈகோ ராஜா‘ என்றும் பெயரிடப்பட்டுள்ளது. இரண்டு மொழிகளிலும் ஒரே நேரத்தில் உருவாகியிருக்கிறது.

சதீஷ், ஆதி சாய்குமார் இருவரும் முதன்மை கதாபாத்திரங்களில் நடித்திருக்கிறார்கள். இவர்களுடன் ஆதியா பிரசாத், சரண்யா ராமச்சந்திரன், கருடா ராம், ஆடுகளம் நரேன், பருத்திவீரன் சரவணன், ‘ஆதித்யா’ கதிர், ஸ்ரீரஞ்சனி மற்றும் ஆதிரா பாண்டிலட்சுமி உள்ளிட்ட பலரும் முக்கிய கதாபாத்திரங்களில் நடித்திருக்கிறார்கள்.
படத்துக்கு மனோஜ் பரமஹம்சா ஒளிப்பதிவு செய்திருக்கிறார். ஜிப்ரான் வைபோதா இசையமைத்திருக்கிறார். சண்டைக் காட்சிகளை மகேஷ் மாத்யூ, விக்கி நந்தகோபால் மற்றும் டான் அசோக் வடிவமைத்திருக்கிறார்கள். படத்தொகுப்பை மேகநாதனும், கலை இயக்கத்தை ஜி. துரைராஜும் கவனித்திருக்கிறார்கள்.
இந்தப் படம் குறித்து பேசிய இயக்குநர் குரு சரவணன், இன்றைய மத்தியதர குடும்பங்கள் சந்திக்கக்கூடிய முக்கியமான பிரச்சினை ஒன்றை, உண்மைச் சம்பவங்களின் அடிப்படையில் நகைச்சுவையும் பொழுதுபோக்கும் கலந்து படமாக்கியிருப்பதாகத் தெரிவித்துள்ளார்.
மேலும், குடும்பத்துடன் அமர்ந்து ரசிக்கக்கூடிய ஜனரஞ்சகமான படமாக இது உருவாகியிருப்பதாகவும், தமிழ் மற்றும் தெலுங்கு ரசிகர்கள் இந்தப் படத்துக்கு நல்ல வரவேற்பு கொடுப்பார்கள் என்றும் நம்பிக்கை தெரிவித்துள்ளார்.
ஜி. சுரேஷ் தயாரிப்பில் உருவாகியுள்ள இந்தப் படத்தின் நிர்வாக தயாரிப்பாளர் பி. செந்தில் குமார்.
மொத்தத்தில், சதீஷின் நகைச்சுவையும், ஆதி சாய்குமாரின் நடிப்பும் இணையும் இந்த ‘பத்து நாள் ராஜா’ திரைப்படம் ரசிகர்களிடம் எந்த அளவுக்கு வரவேற்பைப் பெறப்போகிறது என்பதைப் பொறுத்திருந்து பார்ப்போம்!
படம் விரைவில் திரையரங்குகளில் வெளியாக உள்ளது.











