Viduthalai First Single: வெளியானது விடுதலை படத்தின் முதல் பாடல் ‘ஒன்னோட நடந்தா’…!

’வடசென்னை’, ‘அசுரன் போன்ற வெற்றி படங்களை இயக்கியவர் பிரபல இயக்குநர் வெற்றிமாறன். தற்போது சூரி மற்றும் விஜய் சேதுபதியை வைத்து ‘விடுதலை’ என்ற படத்தை இயக்கியுள்ளார். எழுத்தாளர் ஜெயமோகனின் துணைவன் என்கிற சிறுகதையை மையமாக வைத்து இப்படம் உருவாகி வருகிறது. வேல்ராஜ் இப்படத்தின் ஒளிப்பதிவாளராக பணியாற்றியுள்ளார்.

விடுதலை படத்தில் நடிகர் சூரி போலீஸ் வேடத்தில் நடிக்க,விஜய் சேதுபதி போராளியாக நடிக்கிறார். இந்த படத்தின் படப்பிடிப்பு சத்தியமங்கலம் அடர்ந்த காடுகள், திண்டுக்கலில் உள்ள சிறுமலை உள்ளிட்ட பகுதியில் விறுவிறுப்பாக நடைபெற்றது. மேலும் பிரபல ஒளிப்பதிவாளர் ராஜீவ் மேனன், இயக்குநர் கௌதம் வாசுதேவ் மேனன் முக்கிய கேரக்டரில் நடித்துள்ளார்.

விடுதலை படத்தின் தயாரிப்பில்  ஆர்.எஸ்.என்ஃபோடைன்மெண்ட், கிராஸ்ரூட் கம்பெனி ஆகிய நிறுவனங்களுடன் ரெட் ஜெயன்ட் நிறுவனமும் இணைந்துள்ளது. இரண்டு பாகமாக விடுதலை படம் வெளியாகும் என தெரிவிக்கப்பட்டுள்ளது.இந்நிலையில், படப்பிடிப்பு முடிந்து போஸ் புரொடக்‌ஷன் பணிகள் விறுவிறுப்பாக நடைபெற்று வருகிறது. இந்தப்படத்திற்கு இசையமைப்பாளர் இளையராஜா இசையமைக்கும் நிலையில் இப்படத்திற்கு எதிர்பார்ப்பு அதிகரித்துள்ளது.

Here it’s the most awaited #Viduthalai Part 1 – First single track #OnnodaNadandhaa https://t.co/qyfD1jNEJd

???? @ilaiyaraaja
????@dhanushkraja & #AnanyaBhat
✒️ #Suga#Vetrimaaran @elredkumar @VijaySethuOffl @sooriofficial @BhavaniSre @GrassRootFilmCo @SonyMusicSouth pic.twitter.com/D4PMRHAFxC

— Ilaiyaraaja (@ilaiyaraaja) February 8, 2023

இந்நிலையில் விடுதலை படத்தின் முதல் பாடல் குறித்த அப்டேடை சில நாட்களுக்கு முன் வெளியிட்டது படக்குழு. இசையமைப்பாளர் இளையராஜா தனது ட்விட்டர் பக்கத்தில் பாடல் உருவான வீடியோவை பகிர்ந்து இப்பாடல் பிப்ரவரி 8 ஆம் தேதி வெளியாகும் என தெரிவித்திருந்தார். அதன்படி தற்போது விடுதலை படத்தின் முதல் பாடலான ‘ஒன்னோட நடந்தா’வெளியாகிவுள்ளது. சுகா எழுத தனுஷ் மற்றும் அனன்யா பட் இருவரும் இப்பாடலை பாடியுள்ளனர்.

நடிகர் சூரிக்கான காதல் பாடலாக அமைந்துள்ள இப்பாடலில்,  முதல்முறையாக இளையராஜா இசையில் தனுஷ் பாடியுள்ளார் என்பது குறிப்பிடத்தக்கது.