சினிமா செய்திகள்
சித்தார்த் மல்கோத்ரா – கியாரா அத்வானியின் திருமணம்… சமூக வலைத்தளத்தில் குவியும் வாழ்த்துக்கள்…!
பாலிவுட்டின் பிரபல நடிகர்கள் சித்தார்த் மல்கோத்ரா மற்றும் கியாரா அத்வானி காதலிப்பதாகக் பலமுறை கிசுகிசுக்கப்பட்டது. ஆனால் இருவரும் தாங்கள் காதலிப்பதாகக் ஒப்புக்கொள்ளவில்லை. இந்நிலையில் பிப்ரவரி 7 அன்று சித்தார்த் மல்கோத்ரா – கியாரா அத்வானியின் திருமணம் நடைப்பெற்றது. இவர்களின் திருமணம் ராஜஸ்தான் மாநிலம் ஜெய்சல்மரில் உள்ள சூர்யகர் பேலஸ் ஹோட்டலில் நடைபெற்றது.
கேப்டன் விக்ரம் பத்ராவின் வாழ்க்கை கதையை அடிப்படையாக வைத்து எடுக்கப்பட்ட ஷேர்ஷா படத்தில் கியாரா அத்வானியும், சித்தார்த் மல்ஹோத்ராவும் இணைந்து நடித்தனர். அதன் பிறகு அவர்கள் காதலிப்பதாக வதந்தி பரவியது. அவர்கள் காதல் குறித்து பல முறை கேள்வி கேட்கப்பட்டுள்ள்து. இருவரும் அதற்கு வெட்கப்பட்டு,அந்தக் கேள்விக்குப் பதில் சொல்லாமல் தவிர்த்துவிடுவார்கள்.
View this post on Instagram
இந்நிலையில் திருமணம் முடிந்தவுடன், திருமணப் புகைப்படங்கள் இணையத்தில் வெளியாகி வைரலாகி வருகிறது. அந்தப் புகைப்படங்களின் கீழ் திரைப் பிரபலங்கள், ரசிகர்களும் வாழ்த்துகளைக் குவித்து வருகின்றனர்.
பாலிவுட்டின் முன்னணி நடிகைகளில் ஒருவர் கியாரா அத்வானி. M.S. தோனி (த அண்டோல்ட் ஸ்டோரி) என்ற தோனியின் வாழ்க்கை வரலாற்று படம் மூலம் பிரபலமானவர். தற்போது பிரமாண்டத்திற்கு பெயர் போன ஷங்கர் இயக்கத்தில் ஆர்.சி. 15 படத்தில் ராம் சரணுக்கு ஜோடியாக நடித்து வருகிறார்.
சூப்பர்ஹிட் திரைப்படமான ஷெர்ஷாவுக்கு பிறகு, சித்தார்த் மல்ஹோத்ரா நடித்த மிஷன் மஜ்னு ஜனவரி 20ம் தேதி நெட்ஃபிளிக்ஸில் வெளியானது. அதில் அவர் ஒரு உளவாளியாக நடித்திருந்தார். மிஷன் மஜ்னு திரைப்படத்துக்கான ப்ரோமோவில் ஈடுபட்டிருந்த சித்தார்த்திடம் அவர்களின் திருமணம் குறித்து கேட்டப்போது ,அவர், ”என் திருமணத்துக்கு என்னையே அழைக்கவில்லையே” என நகைச்சுவையாக பதில் அளித்துள்ளார்.
