பர்சனல் ஃபினான்ஸ்
இன்போசிஸ் நிறுவனத்தில் இன்று ரூ.10000 முதலீடு செய்தால், பங்கு விலை அதிகபட்ச உச்சத்தை எட்டும்போது என்ன ஆகும்?
சென்ற ஆண்டு இன்போசிஸ், டிசிஎஸ் நிறுவன பங்குகள் அழுத்தத்திலிருந்து வந்த நிலையில், வெள்ளிக்கிழமை மீண்டும் உயரத்தொடங்கியுள்ளது. டிசம்பர் காலாண்டு முடிவுகள் வெளிவருவது இந்த நிறுவனப் பங்குகளுக்குச் சாதமான சூழலை ஏற்படுத்தியுள்ளது. வெள்ளிக்கிழமை ஒரே நாளில் இன்போசிஸ் நிறுவனப் பங்குகள் 8 சதவிகிதம் அதிகரித்து 1,615.60 ரூபாயாக உள்ளது.
முதலீடு
இன்போசிஸ் நிறுவனப் பங்குகளில், தற்போது இருக்கும் விலையான 1,600 ரூபாய் மதிப்பில், இன்று நீங்கள் 10,000 ரூபாய் முதலீடு செய்தால், 6 பங்குகள் வரை கிடைக்கும். அப்பங்குகளின் அதிகபட்ச உச்சமான 1,953.90 ரூபாய்க்கு அது செல்லும் போது 12,000 ரூபாயாக மதிப்பு உயரும்.
வருவாய் மதிப்பாய்வு
இன்போசிஸ் நிறுவனத்தின் நிகர லாபம் அக்டோபர் – டிசம்பர் காலாண்டில், 7.3 சதவிகிதம் சரிந்து 6,106 கோடி ரூபாயாக உள்ளது. அதே நேரம் ஒருங்கிணைந்த வருவாய் 1.3 சதவிகிதம் அதிகரித்து 38,821 கோடி ரூபாயாக உள்ளது. சம்பள உயர்வு மற்றும் செலவு அதிகரிப்பு உள்ளிட்ட பிற காரணங்களால் வட்டி மற்றும் வரிகளுக்கு முன்பான வருவாய் 20.5 சதவிகிதம் சரிந்துள்ளது.
இன்போசிஸ் நிறுவனத்தின் டிசம்பர் காலாண்டு வருவாய் பற்றி வல்லுநர்கள் கருத்து பற்றித் தெரிந்துகொள்வோம்:
| ஆய்வு நிறுவனங்கள் | மதிப்பீடு | விலை இலக்கு |
|---|---|---|
| ஜெஃப்ரிஸ் | வாங்கலாம் | ₹1,740 |
| இன்க்ரெட் | சேர்க்கலாம் | ₹1,668 |
| கோடக் செக்யூரிட்டீஸ் | வாங்கலாம் | ₹1,800 |
| மோதிலால் ஓஸ்வால் | வாங்கலாம் | ₹1,750 |
| ஐடிபிஐ கேப்பிட்டல் | வாங்கலாம் | ₹1,730 |
வெள்ளிக்கிழமை மாலை இன்போசிஸ் நிறுவனப் பங்குகள் 7.84 சதவிகிதம் என 117.20 ரூபாய் அதிகரித்து 1,612.20 ரூபாயாக வர்த்தகம் செய்யப்பட்டு இருந்தது.
பொறுப்பு துறப்பு (Disclaimer)
இது முதலீட்டு ஆலோசனை அல்ல. கல்வி நோக்கத்திற்காக மட்டுமே வழங்கப்பட்டுள்ளது. முதலீடு செய்யும் முன்பு நிதி ஆலோசகரின் ஆலோசனை மற்றும் சுய பகுப்பாய்விற்குப் பின் செய்யவும். இங்கு வழங்கப்பட்ட தகவல்களை வைத்து முதலீடு செய்து அதனால் ஏற்படும் பொருளாதார இழப்புகளுக்கு www.bhoomitoday.com பொறுப்பேற்காது.
