இன்று ‘தளபதி 65’ பட பூஜை? சன் டிவி அலுவலகத்தில் நடைபெறுவதாக தகவல்!

இன்று சன் டிவி அலுவலகத்தில் தளபதி விஜய் நடிக்க இருக்கும் ’தளபதி 65’ படத்தின் பூஜை நடைபெற்றுக் கொண்டிருப்பதாகவும் இது குறித்த அதிகாரப்பூர்வ அறிவிப்பு மற்றும் புகைப்படங்கள் இன்னும் சிறிது நேரத்தில் வெளியாகும் என்றும் கூறப்படுகிறது. தளபதி விஜய்யின் ரசிகர்கள் பெயரில் இருக்கும் டுவிட்டர் பக்கங்களில் இந்த செய்திகள் வலம் வந்து கொண்டிருக்கின்றன என்பது குறிப்பிடத்தக்கது

சன் பிக்சர்ஸ் நிறுவனத்தின் பிரமாண்டமான தயாரிப்பில் தளபதி விஜய்யின் ’தளபதி 65’ திரைப்படம் உருவாக இருக்கிறது என்பது ஏற்கனவே தெரிந்ததே. நெல்சன் இயக்கத்தில் அனிருத் இசையில் உருவாக உள்ள இந்த படத்தின் நாயகியாக பூஜா ஹெக்டே சமீபத்தில் ஒப்பந்தம் செய்யப்பட்டார்

இந்த நிலையில் இன்று காலை 10 மணிக்கு சன் டிவி அலுவலகத்தில் ’தளபதி 65’ படத்தின் பூஜை நடைபெற இருப்பதாகவும் இதில் விஜய் உள்பட படக்குழுவினர் அனைவரும் கலந்து கொள்ள இருப்பதாகவும் கூறப்படுகிறது. அனேகமாக இந்த படத்தின் பூஜை குறித்த அதிகாரபூர்வ அறிவிப்பு சன் பிக்சர்ஸ் நிறுவனத்தின் அதிகாரபூர்வ ட்விட்டர் பக்கத்தில் இன்னும் சில நிமிடங்களில் வெளியாகும் என்று எதிர்பார்க்கப்படுகிறது

Stay tuned with @sunpictures. We may get the official Poojai images very soon! #Thalapathy65 #Master @actorvijay

— Actor Vijay Fans (@Actor_Vijay) March 31, 2021