உலகின் முதல் 4K டிரைலர் இதுதானாம்!

மூடர்கூடம் என்ற அருமையான பிளாக் காமெடி படத்தை இயக்கி நடித்து அசத்திய நவீன், நீண்ட நாட்களுக்கு பிறகு இயக்கி நடித்துள்ள படம் அலாவுதீனின் அற்புத கேமரா.

படத்தின் தலைப்பிலேயே கேமரா இருப்பதால், இதன் டிரைலரை உலகின் முதல் அதிகாரப்பூர்வ 4K HDR டிரைலர் என்ற குறிப்புடன் படக்குழு வெளியிட்டுள்ளது.

இந்த படத்தில் நவீனுக்கு ஜோடியாக வரும் ஆனந்தி படத்தில் வெளிநாட்டில் பிக் பாக்கெட் அடிக்கும் கதாபாத்திரத்தில் நடித்துள்ளார்.

டேவின்ஸி வரைந்த ஓவியம் வரையப்பட்ட பழமையான கேமராவை வைத்துக் கொண்டு ஃபாரீன் லொகேஷனில் என்னென்னவோ செய்துள்ளார் நவீன். டிரைலரை பொறுத்தமட்டில் இன்னும் சுவாரஸ்யமாக கொடுத்திருக்கலாமோ என்றே தோன்றுகிறது.

வெளிநாட்டில் அதிகமாக செலவு செய்திருந்தாலும், நடிகர்கள் யாரை பார்த்தாலும், ஜூனியர் ஆர்டிஸ்ட் போலவே தோன்றுகிறது.

முழு படமாவது நமது எதிர்பார்ப்பை பூர்த்தி செய்யுமா என்பதை பொறுத்திருந்து பார்ப்போம்.