கையில் வாளுடன் சூர்யாவின் அட்டகாசமான போஸ்: ‘சூர்யா 40; ஸ்டில் வைரல்!

சன் பிக்சர்ஸ் நிறுவனம் ஒரே நேரத்தில் சூப்பர் ஸ்டார் ரஜினிகாந்த் நடித்து வரும் ’அண்ணாத்த’ மற்றும் தளபதி விஜய் நடித்து வரும் ’தளபதி 65’ ஆகிய படங்களை தயாரித்து வருகிறது என்பது தெரிந்தது. அது மட்டுமின்றி சூர்யா நடித்து வரும் ’சூர்யா 40’ படத்தையும் இந்நிறுவனம் தயாரித்து வருகிறது என்பதும் இந்த படத்தை இயக்குனர் பாண்டிராஜ் இயக்கி வருகிறார் என்பதும் குறிப்பிடத்தக்கது.

டி இமான் இசையமைத்து வரும் இந்த படத்தின் படப்பிடிப்பில் சூர்யா சமீபத்தில் கலந்து கொண்டார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பது குறிப்பிடத்தக்கது.

இந்த நிலையில் சற்று முன்னர் சன் பிக்சர்ஸ் நிறுவனம் தனது டுவிட்டர் பக்கத்தில் ’சூர்யா 40 ’படத்தின் புதிய ஸ்டில் ஒன்றை வெளியிட்டுள்ளது. இந்த ஸ்டில்லில் சூர்யா அட்டகாசமாக கையில் வாளை வைத்து கொண்டு வெறித்தனமாக நிற்கும் காட்சி உள்ளது. இந்த ஸ்டில்லை சூர்யா ரசிகர்கள் மிகப்பெரிய அளவில் வைரலாகி வருகின்றனர் என்பது குறிப்பிடத்தக்கது.

இந்த ஒரே ஒரு ஸ்டில் இந்த படத்தின் எதிர்பார்ப்பை மிகப்பெரிய அளவில் ஏற்படுத்தி விட்டது என்று சூர்யாவின் ரசிகர்கள் கூறிவருகின்றனர். நீண்ட இடைவெளிக்குப்பின் சூர்யா கிராமத்து கதையம்சம் கொண்ட படத்தில் நடிப்பதால் மிகப்பெரிய அளவில் இந்த படத்திற்கு எதிர்பார்ப்பு ஏற்பட்டுள்ளது என்பது குறிப்பிடத்தக்கது.

.@Suriya_offl from the sets of #Suriya40BySunPictures@pandiraj_dir @immancomposer #Suriya40 pic.twitter.com/gBXR3KIZ1e

— Sun Pictures (@sunpictures) April 9, 2021