வெற்றிமாறனின் அடுத்த படத்தின் ஃபர்ஸ்ட்லுக் போஸ்டர் ரிலீஸ்: டைட்டில் இதுதான்!

பிரபல காமெடி நடிகர் சூரி ஹீரோவாக நடிக்கும் முதல் திரைப்படத்தை வெற்றிமாறன் இயக்கி வருகிறார் என்பதும் இந்த படத்தில் சிறப்பு தோற்றத்தில் மக்கள் செல்வன் விஜய் சேதுபதி நடித்து வருகிறார் என்பதும் தெரிந்ததே.

இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் சற்று முன் இந்த படத்தின் பர்ஸ்ட் லுக் போஸ்டர் வெளியாகியுள்ளது. ‘விடுதலை’ என்ற டைட்டில் வைக்கப்பட்டுள்ள இந்த பர்ஸ்ட் போஸ்டர்களில் ஒன்றில் சூரியும், மற்றொன்றில் விஜய் சேதுபதியும் உள்ளனர். சூரி போலீஸ் கெட்டப்பிலும், விஜய் சேதுபதி கைதி கெட்டப்பிலும் இருப்பது இந்த படத்தின் எதிர்பார்ப்பை அதிகரித்துள்ளது.

Here it is @VetriMaaran ‘s #Viduthalai first look posters.#Ilaiyaraja @sooriofficial @elredkumar @rsinfotainment @VelrajR @mani_rsinfo @DoneChannel1 @CtcMediaboy pic.twitter.com/DxfKG1Lv9m

— VijaySethupathi (@VijaySethuOffl) April 22, 2021

இளையராஜா இசையில் உருவாகி வரும் இந்த படத்தின் படப்பிடிப்பு 50% முடிந்துவிட்டதாகவும் மீதி படப்பிடிப்பு இன்னும் ஒரு சில நாட்களில் தொடங்கும் என்றும் எதிர்பார்க்கப்படுகிறது.

வரும் ஜூலை மாதம் இந்த படத்தை வெளியிட படக்குழுவினர் திட்டமிட்டுள்ளதாக தெரிகிறது. இந்த படத்தை முடித்துவிட்டு இயக்குனர் வெற்றிமாறன் சூர்யா நடிக்கவிருக்கும் வாடிவாசல் திரைப்படத்தை இயக்க உள்ளார் என்பதும் குறிப்பிடத்தக்கது.