சினிமா
காஷ்மீருக்கு குட்பை சொல்ல இப்படியொரு வீடியோவா? லியோ படக்குழு இப்படி நெஞ்சை நக்கிட்டாங்களே!
இயக்குநர் லோகேஷ் கனகராஜ் லியோ படத்தின் காஷ்மீர் ஷெட்யூலை நிறைவு செய்த வீடியோவை பதிவிட்டு காஷ்மீருக்கு குட்பை சொல்லி இருப்பது ரசிகர்களை உணர்ச்சி வசத்தில் ஆழ்த்தி உள்ளது.
செவன் ஸ்க்ரீன் ஸ்டூடியோ தயாரிப்பில் இயக்குநர் லோகேஷ் கனகராஜ் இயக்கத்தில் விஜய், த்ரிஷா, அர்ஜுன், சஞ்சய் தத், கெளதம் மேனன், சாண்டி, மன்சூர் அலி கான், பிரியா ஆனந்த், கதிர் உள்ளிட்ட பலர் நடிப்பில் லியோ திரைப்படம் உருவாகி வருகிறது.
#image_title
கடந்த பிப்ரவரி மாத தொடக்கத்தில் சென்னையில் இருந்து காஷ்மீருக்கு விமானம் மூலம் கிளம்பி சென்ற வீடியோவை படக்குழு அதிகாரப்பூர்வமாக வெளியிட்ட நிலையில், தற்போது 50 நாட்கள் அங்கே படப்பிடிப்பை முடித்து விட்டு சென்னைக்கு திரும்பி உள்ள லியோ படக்குழு காஷ்மீர் குளிரில் தாங்கள் பட்ட கஷ்டங்களை எடுத்துக் கூறும் விதத்தில் ஒரு வீடியோவை வெளியிட்டு ரசிகர்களை ஆச்சர்யத்தில் ஆழ்த்தி உள்ளனர்.
லைட் மேன் முதல் புரொடக்ஷனில் பாத்திரம் கழுவுபவர் வரை அந்த மைனஸ் 10 டிகிரி குளிரில் பட்ட கஷ்டங்களை அடுக்கிக் கொண்டே போன வீடியோவில் கடைசியாக இயக்குநர் லோகேஷ் கனகராஜ் ஆக்ஷன் சொன்னதுமே தளபதி விஜய் சால்ட் அண்ட் பெப்பர் ஹேர்ஸ்டைலில் வித்தியாசமான நடிப்பை வெளிப்படுத்தியது மற்றும் பாதுகாப்பு பணியில் ஈடுபட்ட ராணுவ வீரர்களுடன் விஜய் அன்புடன் உரையாடும் வீடியோ காட்சிகள் எல்லாம் அந்த வீடியோவில் இடம்பெற விஜய் ரசிகர்கள் தயாரிப்பு நிறுவனத்துக்கு ஒரு பெரிய ராயல் சல்யூட் அடித்து வருகின்றனர்.
#image_title
அடுத்த கட்டமாக சென்னையில் இன்னும் ஒரு வாரத்தில் மீண்டும் லியோ படத்தின் ஷூட்டிங் நடைபெற்று கிளைமேக்ஸ் காட்சிகள் படமாக்கப்பட உள்ளதாக தகவல்கள் வெளியாகி உள்ளன. வரும் மே மாதத்திற்குள் ஒட்டுமொத்த படப்பிடிப்பும் நிறைவடைந்து போஸ்ட் புரொடக்ஷன் பணிகள் தொடங்கும் என்றும் திட்டமிட்டப்படி அக்டோபர் மாதம் படம் திரைக்கு வரும் என்றும் கூறுகின்றனர்.
