கொரோனா சாதாரண காய்ச்சலா? கங்கனாவின் இன்ஸ்டாகிராம் பதிவு நீக்கம்!

பிரபல பாலிவுட் நடிகையும் தமிழில் ஜெயலலிதாவின் வாழ்க்கை வரலாறு திரைப்படமாக தலைவி என்ற திரைப்படத்தில் நடித்தவருமான கங்கனா ரணாவத் சமீபத்தில் கொரோனா வைரஸால் பாதிக்கப்பட்டு சிகிச்சை பெற்று வருகிறார்

இந்த நிலையில் கொரோனாவால் பாதிக்கப்பட்ட பின் அவர் தனது இன்ஸ்டாகிராம் பக்கத்தில் கொரோனா என்பது பயப்படும் கொடிய நோய் அல்ல என்றும் அது ஒரு சாதாரண ஃப்ளூ காய்ச்சல் தான் என்றும் எனவே யாரும் பயப்பட வேண்டிய அவசியம் இல்லை என்றும் தெரிவித்திருந்தார்

கொரோனா வைரஸை சாதாரண காய்ச்சல் என கங்கனா ரணவத் குறிப்பிட்டதற்கு கடும் கண்டனங்களை நெட்டிசன்கள் தெரிவித்து வந்தனர். கொரோனா வைரசால் கொத்துக்கொத்தாக மக்கள் மடிந்து கொண்டிருக்கும் நிலையில் அது ஒரு சாதாரண காய்ச்சலா? என்ற கேள்வியையும் எழுப்பினார்கள்.

இந்த நிலையில் கங்கனா ரனாவத்தின் இந்த சர்ச்சைக்குரிய பதிவை இன்ஸ்டாகிராம் நிர்வாகம் நீக்கியுள்ளது. இதனால் பெரும் பரபரப்பு ஏற்பட்டுள்ளது. ஏற்கனவே ஆக்சிஜன் குறித்து சர்ச்சைக்குரிய பதிவு ஒன்றை பதிவு செய்திருந்த கங்கனா ரனாவத் ட்விட்டர் பக்கம் முடக்கப்பட்டது என்பது குறிப்பிடத்தக்கது. இந்த நிலையில் தற்போது இன்ஸ்டாகிராம் நிர்வாகம் அவருடைய பதிவை நீக்கி உள்ளது என்பது குறிப்பிடத்தக்கது.