சினிமா
லைகாவுக்கு செலவை இழுத்து விடும் கமல்ஹாசன்? தினமும் ஹெலிகாப்டரில் இந்தியன் 2 ஷூட்டிங்கிற்கு வருகை!
லைகா நிறுவனம் தயாரிப்பில் இயக்குநர் ஷங்கர் இயக்கத்தில் பிரம்மாண்டமாக உருவாகி வரும் இந்தியன் 2 படப்பிடிப்பு திருப்பதியில் இருந்து தற்போது கடப்பாவில் உள்ள கந்திகோட்டா வனப்பகுதியில் நடைபெற்று வரும் நிலையில், அங்கு வந்து செல்ல தினமும் ஹெலிகாப்டரை கமல்ஹாசன் பயன்படுத்தி வருகிறாராம்.
ஹெலிகாப்டரில் வந்து செல்லும் புகைப்படத்தை நடிகர் கமல்ஹாசனே தனது இன்ஸ்டாகிராம் பக்கத்திலும் பதிவிட்டுள்ளார். பிரம்மாண்ட பொருட்செலவில் 40 கோடிக்கு ஒரு சண்டைக் காட்சி என இயக்குநர் ஷங்கர் ஒரு பக்கம் லைகா நிறுவனத்துக்கு செலவை இழுத்து விட நடிகர் கமல்ஹாசன் தினம் தோறும் 220 கி.மீ., திருப்பதியில் இருந்து கடப்பாவுக்கு ஹெலிகாப்டரில் பறந்து வருகிறாராம்.
ஹெலிகாப்டருக்கும் திருப்பதியில் கமல் தங்கியிருக்கும் சொகுசு விடுதிக்கும் ஆகும் செலவில் ஷூட்டிங் இடத்திலேயே ஒரு டெம்பரவரி சொகுசு அறையை கட்டியிருக்கலாம் என்றும் கூறுகின்றனர். கடப்பாவில் நல்ல சொகுசு ஹோட்டல்கள் இல்லாத நிலையில் தான் தினம் தோறும் திருப்பதியில் இருந்து கமல்ஹாசன் கடப்பாவுக்கு ஹெலிகாப்டர் மூலம் வந்து செல்வதாக கூறுகின்றனர்.
விக்ரம் படம் 500 கோடி வசூல் ஈட்டிய நிலையில், இந்தியன் 2 படம் 1000 கோடி வசூல் ஈட்டும் என்கிற எதிர்பார்ப்பு காரணமாக லைகாவுக்கு இப்படி இஷ்டத்துக்கு செலவை இழுத்து விடுவதாகவும் சினிமா வட்டாரத்தில் பேச்சுக்கள் அடிபட்டு வருகின்றன.
வெந்து தணிந்தது காடு இசை வெளியீட்டு விழாவுக்கு நடிகர் சிம்பு ஹெலிகாப்டரில் வந்து இறங்க ஏற்பாடு செய்யப்பட்டு இருந்த நிலையில், அது ட்ரோல் செய்யப்படும் என நினைத்த சிம்பு காரிலேயே வந்து இறங்கினார். கடைசி நேரத்தில் தயாரிப்பாளர் ஐசரி கணேஷ் அந்த ஹெலிகாப்டரில் வந்து இறங்கியது குறிப்பிடத்தகக்து.