ஜியோ, ஏர்டெல், வோடாபோன் ஐடியா வழங்கும் ‘Working from home’ பிரீபெய்டு ரீசார்ஜ் திட்டங்கள்!

கொரோனா வைரஸ் எதிரொலியாக 21 நாட்கள் மக்கள் வெளியில் செல்ல முடியாத சூழல் உருவாகியுள்ளது. எனவே விட்டிலிருந்து வேலை செய்வதற்காக ஜியோ, ஏர்டெல், வோடாபோன் ஐடியா நிறுவனங்கள் வெளியிட்டுள்ள ‘Working from home’ பிரீபெய்டு ரீசார்ஜ் திட்டங்கள் பற்றி இங்கு விளக்கமாகப் பார்க்கலாம்.

ஜியோ

ரிலையன்ஸ் ஜியோவின் ‘Working from home’ பிரீபெய்டு ரீசார்ஜ் திட்டத்தின் படி 251 ரூபாய்க்கு ரீசார்ஜ் செய்தால், 51 நாட்களுக்கு, தினமும் 2 ஜிபி இணையதள தர்வு கிடைக்கும். அளிக்கப்பட்டுள்ள தரவு கட்டுப்பாட்டைக் கடந்தால், இணையதள வேகம் 64 kbps ஆக குறையும். இலவச குரல் அழைப்புகளும் செய்ய முடியும்.

கூடுதல் தரவு தேவைப்பட்டால், 11 ரூபாய்க்கு ரீசார்ஜ் செய்தால் 800 எம்பி தரவும், 21 ரூபாய்க்கு ரீசார்ஜ் செய்தால் 2ஜிபி தரவும், 51 ரூபாய்க்கு ரீசார்ஜ் செய்தால் 6ஜிபி தரவும், 101 ரூபாய்க்கு ரீசாஜ் செய்தால் 12 ஜிபி தரவும் கிடைக்கும். இந்த ரீசார்ஜ் செய்யும் போது ஜியோ அல்லாத பிற நெட்வொர்க் அழைப்புகளை மேற்கொள்வதற்கான 75, 200, 500 மற்றும் 1000 நிமிடங்கள் கிடைக்கும்.

ஏட்ர்டெல்

ஏர்டெல் வாடிக்கையாளர்கள் 398 ரூபாய்க்கு ரீசாஜ் செய்தால், 28 நாட்களுக்குத் தினமும் 3 ஜிபி இணையதள தரவு பெறலாம். இலவச ஜீ5 சந்தாவுடன் மொத்தம் 84 ஜிபி தரவு கிடைக்கும்.

349 ரூபாய்க்கு ரீசார்ஜ் செய்தால், 28 நாட்களுக்கு, தினமும் 2ஜிபி இணையதள தரவு, அமேசான் ப்ரைம் சந்தா மற்றும் தினமும் 100 இலவச எஸ்எம்எஸ் உள்ளிட்டவை கிடைக்கும்.

449 ரூபாய்க்கு ரீசார்ஜ் செய்தால் 56 நாட்களுக்கு, தினமும் 2ஜிபி தரவு, இலவச குரல் அழைப்புகள் மற்றும் எஸ்எம்எஸ் மற்றும் ஜீ5 சந்தா உள்ளிட்டவை கிடைக்கும்,

558 ரூபாய்க்கு ரீசார்ஜ் செய்தால், 56 நாட்களுக்கு தினமும் 3 ஜிபி தரவு, குரல் அழைப்புகள், எஸ்எம்எஸ் ஜீ5 சந்தா உள்ளிடவை கிடைக்கும்.

வோடாஃபோன் ஐடியா

வோடாபோன் ஐடியா நிறுவனங்கள் வாடிக்கையாளர்களைக் கவர, இரட்டிப்பு தரவுகள் நன்மையை அளித்து வருகின்றன.

249 ரூபாய்க்கு ரீசார்ஜ் செய்தால், 28 நாட்களுக்கு, தினம் 3 ஜிபி இணையதள தரவு, 100 இலவச எஸ்எம்எஸ் சேவை கிடைக்கும்.

399 ரூபாய்க்கு ரீசார்ஜ் செய்தால், 56 நாட்களுக்கு, தினமும் 3ஜிபி தரவு கிடைக்கும்.