சினிமா
’கர்ப்பமாக இருந்தால் நானே சொல்வேன்’- மணிமேகலை காட்டம்!
சின்னத்திரை தொகுப்பாளினியான மணிமேகலை தான் கர்ப்பமாக இருப்பது உண்மைதானா என்பது குறித்து பேசியுள்ளார்.
சின்னத்திரையில் பிரபலமான ‘குக் வித் கோமாளி’ சமையல் நிகழ்ச்சியிலிருந்து மணிமேகலை வெளியேறுவதாகச் சமீபத்தில் தெரிவித்து இருந்தார். என்ன காரணத்திற்காக வெளியேறுகிறேன் என்பது குறித்து அவர் எதுவும் சொல்லாமல் இருந்த நிலையில், அவர் நிகழ்ச்சி தரப்பில் சண்டையிட்டு வெளியேறினாரா அல்லது மணிமேகலை கர்ப்பமாக இருக்கிறாரா என்பது போன்ற பல கேள்விகளும் வதந்திகளும் அவரைச் சுற்றி வந்தது.
உண்மையில், தொகுப்பாளராகக் கவனம் செலுத்த வேண்டும் என்ற காரணத்திற்காகவே அவர் வெளியேறி இருக்கிறார் எனவும் சொல்லப்பட்டது. இந்த நிலையில், மணிமேகலையின் சமூகவலைதளப் பக்கத்தில் ‘நீங்கள் கர்ப்பமாக இருக்கிறீர்களா?’ என ஒருவர் கேட்டிருக்கிறார். இதற்கு மணிமேகலை, ‘இல்லை! அதெல்லாம் வெறும் வதந்திதான்.
எந்தவொரு செய்தியாக இருந்தாலும் அது எதோ நாலு யூடியூப் சேனல் உங்களுக்குச் சொல்லித் தெரிவதுபோல இருக்காது. நானேதான் சொல்லுவேன்’ என இந்த வதந்திகளுக்கு முற்றுப்புள்ளி வைத்திருக்கிறார் மணிமேகலை.