என்னது தங்கத்துல பர்கரா? புதுசா இருக்கே

கொலம்பியாவில் உள்ள ஒரு உணவகத்தில் 24 கேரட் தங்க பர்கர் அறிமுகம் செய்யப்பட்டு உள்ளது.

ஜங்க் ஃபுட் என்றாலே எல்லாருக்கும் பிடித்தமான உணவாகவே மாறிவிட்டது. சுவை கூடுதலாக இருப்பதால் விலையை பற்றி மக்கள் கவலைப்படுவது இல்லை. வாடிக்கையாளர்களை கவருவது என்பது ஜங்க் ஃபுட் உணவகங்களுக்கு கற்றுத்தேர்ந்த கலை ஆகும்.

இந்த நிலையில், தற்போது கொலம்பியாவில் ஒரு உணவகம் 24 கேரட் தங்க பர்கரை செய்து அசத்தி உள்ளது. ‘ஓரோ மெக்கோய்’ என்பது அந்த பர்கரின் பெயர் ஆகும். முதலில் 24 கேரட் தங்கத்தில் நனைக்கபடும் இந்த பர்கரின் இடையே இறைச்சி மற்றும் சீஸ்தூண்டுகள் வைக்கப்படுகின்றது.

இதன் விலை கொலம்பியன் பீசோஸ் மதிப்பில் 2,00,000 பீசோஸ் ஆகும். இந்திய மதிப்பில் 4,191 ரூபாய்க்கு விற்கப்படுகிறது. இன்னும் ஒரு ஆச்சர்யமான விஷயம் இங்கு சாதாரணமாக விற்கப்படும் பர்கரின் இந்திய மதிப்பு  ரூ.807 ஆகும். கொலம்பியாவில் பிரபலமான உணவகம் என்பதால் மக்கள் கூட்டம் எப்போதும் இருந்து கொண்டே இருக்கும்.