தங்கம் விலை அதிரடி சரிவு – இன்று காலை உயர்ந்த விலை மாலைக்குள் 1,120 ரூபாய் வீழ்ச்சி!

அக்டோபர் மாத தொடக்கம் முதலே ஏற்றத்தில் இருந்து வந்த தங்கம் விலை, தீபாவளி பிந்தைய நாட்களில் கணிசமான சரிவை சந்தித்து வருகிறது. உலக பொருளாதார மாற்றங்கள் மற்றும் சர்வதேச சந்தை அதிர்வுகள் காரணமாக தங்கத்தின் விலை நாள் முழுவதும் மாறிக்கொண்டே வருகிறது.

சென்னையில் அக்டோபர் 8 அன்று ஒரு சவரன் தங்கம் ₹90,000 ஐ தாண்டிய நிலையில், அக்டோபர் 17 அன்று ₹97,000 என்ற உச்சத்தைத் தொட்டது. ஆனால் கடந்த சில நாட்களாக தங்கம் விலை காலை மற்றும் மாலை நேரங்களில் தொடர்ந்து ஏற்ற, இறக்க நிலையை சந்தித்து வருகிறது.

இன்று (அக்டோபர்) காலை 22 காரட் தங்கம் கிராமுக்கு ₹40 உயர்ந்து ₹11,540 ஆகவும், ஒரு சவரன் ₹320 உயர்ந்து ₹92,320 ஆகவும் விற்பனையாகியது. ஆனால் மாலை நேரத்தில் தங்கம் விலை திடீரென சரிந்தது.

மாலை நிலவரப்படி, 22 காரட் தங்கம் கிராமுக்கு ₹140 குறைந்து ₹11,400 ஆகவும், ஒரு சவரன் ₹1,120 குறைந்து ₹91,200 ஆகவும் விற்பனையாகிறது.

அதேபோல, 18 காரட் தங்கமும் விலை குறைந்துள்ளது. இன்று மாலை 18 காரட் தங்கம் கிராமுக்கு ₹75 குறைந்து ₹9,525 ஆகவும், ஒரு சவரன் ₹600 குறைந்து ₹76,200 ஆகவும் விற்பனை செய்யப்படுகிறது.

வெள்ளி விலையும் குறைந்து வருகிறது. இன்று மாலை நிலவரப்படி, வெள்ளி கிராமுக்கு ₹1 குறைந்து ₹170 ஆகவும், ஒரு கிலோ பார் வெள்ளி ₹1,70,000 ஆகவும் விற்பனையாகிறது.

நிபுணர்கள் கூறுவதாவது, சர்வதேச சந்தையில் தங்கத்தின் விலை மாற்றம், டாலர் வலிமை, மற்றும் முதலீட்டாளர்களின் பங்கு சந்தை மாறுதல்கள் ஆகியவை தங்கத்தின் விலை சரிவுக்கு முக்கிய காரணமாக உள்ளன.