வணிகம்
EPFO Version 3.0: தீபாவளிக்கு முன் பிஎப் உறுப்பினர்களுக்கு பெரிய பரிசு – புதிய டிஜிட்டல் அப்டேட்!
EPFO Version 3.0: கோடிக்கணக்கான பிஎப் உறுப்பினர்களுக்கு தீபாவளி பரிசாக, வருங்கால வைப்பு நிதி அமைப்பு (EPFO) புதிய டிஜிட்டல் அப்டேட்டை அறிமுகப்படுத்த இருக்கிறது. நாடு முழுவதும் 80 மில்லியனுக்கும் அதிகமான ஊழியர்கள் எதிர்பார்த்து வரும் EPFO Version 3.0, 2025 தீபாவளிக்கு முன்பாகவே நடைமுறைக்கு வரும் என தகவல்கள் தெரிவிக்கின்றன.
இந்த மேம்படுத்தப்பட்ட பதிப்பு, விரைவான, முழுமையான டிஜிட்டல் மற்றும் பயனாளர் நட்பு (User-Friendly) அம்சங்களைக் கொண்டிருக்கும். குறிப்பாக, பணம் எடுப்பது மிகவும் எளிதாகும்.
அக்டோபரில் அதிகாரப்பூர்வ அறிவிப்பு:
மத்திய தொழிலாளர் மற்றும் வேலைவாய்ப்புத் துறை அமைச்சர் மன்சுக் மாண்டவியா தலைமையில், அக்டோபர் இரண்டாவது வாரத்தில் நடைபெறும் கூட்டத்தில் EPFO Version 3.0-வின் அதிகாரப்பூர்வ வெளியீடு அறிவிக்கப்படலாம். இது தீபாவளிக்கு முன் அமலுக்கு வந்தால், ஊழியர்களுக்கு உண்மையான பண்டிகைக் பரிசாக அமையும்.
புதிய அம்சங்கள் (Highlights):
Auto-Claim Settlements: பிஎப் பணம் பெற நீண்ட படிவங்கள் தேவையில்லை, க்ளெய்ம் தானாகவே நிறைவேற்றப்படும்.
டிஜிட்டல் திருத்தங்கள்: பெயர், பிறந்த தேதி, பாலினம் போன்றவற்றை OTP அடிப்படையில் டிஜிட்டலாக திருத்த முடியும்.
ஓய்வூதிய கண்காணிப்பு: EPFO டாஷ்போர்டு மூலம் ஓய்வூதிய உரிமைகளை நேரடியாக கண்காணிக்கலாம்.
UPI & ATM மூலம் பணம் எடுக்கும் வசதி: கணக்கில் உள்ள பிஎஃப் தொகையை உடனடியாகப் பயன்படுத்திக்கொள்ள முடியும்.
EPFO செயலாளர் சுமிதா டாவ்ரா தெரிவித்ததாவது, NPCI பரிந்துரையின் பேரில், யுபிஐ வசதி ஏற்கனவே ஒப்புதல் பெற்றுள்ளது. மே–ஜூன் 2025 முதல் பிஎப் பணத்தை வங்கிக் கணக்குகளில் நேரடியாகவோ அல்லது ஏடிஎம்கள் மூலமாகவோ எடுக்கலாம்.
பிற திட்டங்களுக்கு பைலட்:
இந்த டிஜிட்டல் அப்டேட் வெற்றியடைத்தால், அரசு ஊழியர்களுக்கான GPF மற்றும் வங்கிகள் வழங்கும் PPF திட்டங்களிலும் இது நடைமுறைப்படுத்தப்படும். மேலும், ESIC சேவைகள், தனியார் மருத்துவமனைகளுக்கும் விரிவுபடுத்தப்பட உள்ளது. இதன் மூலம் சிறு நகரங்கள் மற்றும் கிராமப்புறங்களில் உள்ள தொழிலாளர்களும் தரமான சுகாதார சேவைகளைப் பெற முடியும்.
