EPFO புதிய அப்டேட்: UPI மூலம் PF பணம் எடுக்கும் வசதி விரைவில் அறிமுகம்.. வாட்ஸ்அப் சேவையும் தொடக்கம்!

EPFO சந்தாதாரர்களுக்கு மிக முக்கியமான அறிவிப்பு வெளியாகியுள்ளது. இனி பிஎஃப் (Provident Fund) பணத்தை எடுப்பது இன்னும் எளிதாக இருக்க உள்ளது. வருங்கால வைப்பு நிதி அமைப்பு (EPFO), உறுப்பினர்கள் தங்களது PF தொகையை நேரடியாக UPI செயலிகள் மூலம் வங்கிக் கணக்கிற்கு மாற்றிக்கொள்ளும் புதிய வசதியை விரைவில் அறிமுகப்படுத்த உள்ளது.

மத்திய தொழிலாளர் மற்றும் வேலைவாய்ப்புத் துறை அமைச்சர் தெரிவித்த தகவலின்படி, இந்த திட்டத்திற்கான தொழில்நுட்ப சோதனைகள் வெற்றிகரமாக நிறைவடைந்துள்ளன. திட்டம் நடைமுறைக்கு வந்தவுடன் Google Pay, PhonePe, Paytm உள்ளிட்ட UPI செயலிகள் மூலமாக PF தொகையை விரைவாகப் பெற முடியும்.

தற்போது PF பணத்தைப் பெற விண்ணப்பித்த பிறகு சில நாட்கள் காத்திருக்க வேண்டிய நிலை உள்ளது. ஆனால் புதிய UPI வசதி அறிமுகமான பிறகு, அனுமதி கிடைத்தவுடன் தொகை உடனடியாக வங்கிக் கணக்கில் வரவு வைக்கப்படும் என தெரிவிக்கப்பட்டுள்ளது.

மேலும், உறுப்பினர்கள் தங்களது PF கணக்கில் உள்ள தொகையை எளிதாகப் பார்க்கவும், தேவையான அளவு பணத்தை நேரடியாக மாற்றிக்கொள்ளவும் இந்த வசதி உதவும். UPI PIN மூலம் பாதுகாப்பாக பரிவர்த்தனைகளை மேற்கொள்ளும் வசதியும் இதில் இடம்பெற உள்ளது.

EPFO வாட்ஸ்அப் சேவை

சந்தாதாரர்களின் வசதிக்காக EPFO விரைவில் வாட்ஸ்அப் சேவையையும் அறிமுகப்படுத்த உள்ளது. அதிகாரப்பூர்வ ‘Green Tick’ வாட்ஸ்அப் எண்ணிற்கு “Hello” என செய்தி அனுப்புவதன் மூலம் PF தொடர்பான பல்வேறு சேவைகளை 24 மணி நேரமும் பெற முடியும்.

இந்த சேவை மூலம்:

• PF இருப்புத் தொகை அறிதல்
• கடைசி 5 பரிவர்த்தனைகள் பார்க்குதல்
• Claim நிலை சரிபார்த்தல்
• KYC மற்றும் ஆதார் இணைப்பு சிக்கல்களுக்கு உதவி பெறுதல்
• வங்கி கணக்கு தொடர்பான பிரச்சினைகளுக்கு தீர்வு காணுதல்

போன்ற சேவைகள் எளிதாக கிடைக்கும்.

நிலுவை PF வழக்குகளை குறைக்கும் EPFO

PF தொடர்பான நீதிமன்ற வழக்குகளை விரைந்து தீர்க்க EPFO ‘Mission Mode’ திட்டத்தை செயல்படுத்தி வருகிறது. இதன் மூலம் நிலுவையில் இருந்த ஆயிரக்கணக்கான வழக்குகள் முடிக்கப்பட்டுள்ளன.

அதிகாரப்பூர்வ தரவுகளின்படி, 2025 ஏப்ரல் மாதத்தில் 31,036 ஆக இருந்த நிலுவை வழக்குகளின் எண்ணிக்கை, 2026 ஏப்ரல் மாதத்தில் 27,639 ஆக குறைந்துள்ளது. ஒரு ஆண்டில் மட்டும் 3,397 வழக்குகள் வெற்றிகரமாக முடிவுக்கு கொண்டு வரப்பட்டுள்ளன.

இந்த புதிய UPI வசதி மற்றும் வாட்ஸ்அப் சேவை மூலம் EPFO உறுப்பினர்கள் தங்களது PF சேவைகளை மிகவும் வேகமாகவும் எளிதாகவும் பயன்படுத்தும் வாய்ப்பு கிடைக்க உள்ளது.